ياجماعة احنا اكيد مغمى علينا ما هوا اللى بيحصل دا مش عادى بالنسبة لبشر عاديين
يعن تتاخد حقوقن السياسية والحمد لله ساكتين وراضين وابايسين ايدنا دقن وقفا ولا كأن فى حاجة كل حاجة سعرها مولع نار ومع ذلك الحمد لله نحمده ونشكر فضله قانون الطوارىء القديم كان بيعتبر وجود نلاته اربعة مع بعض نجمهر ودعوة لقلب نظام الحكم أما فانون الإرهاب الجديد فواحد لوحده كفايه عشان يكون تجمهر وبيخطط لقلب نظام الحكمومع ذلك بنقول ياه كدا رضا والحمد لله كل الناس الشرفاء اللى حاولوا يدافعوا عننا مرمين فى السجون يإما حياتهم اتدمرت ومع ذلك ॥
احمدك يارب ويارب خلى ليلنا الحكومةبقينا ملطش لكل اللى يسوى واللى ما يسواش وكله بيشوط فينا وبقينا معروفين فى كل مكان فى العالم اننا حمير شغل وبأفل أجر ومع ذلك اللهم أدمها نعمة وأحفظها من الزوال وعمنا وعم كل المصريين قاعد على الكرسى ومنجعص بقاله ربع قرن وجاى من بعده الكتكوتة الصغنونة مستر ليتل حسنى او كما يقال له جيمى وبعدين نعلن الملكية وتبق وراثة وشوط ياعم فى الشعب الجبان د والحمد لله برضه القناعة كنز لا يفنى واللى نعرفه احسن من غيره وبعدين ياحماعة جمال طول عمرة بن ريس يعنى شرب الحكم شرب وهوا احسن واحد يمسك مصر وشعب مصر الوديع المسالم
قديما قالوا عضى قلبى ولا تعض رغيفى لكن مستر جيمى جاى متطمن عنده شعب لو دست على قلبه وماوريتهوش العيش ولاحتى الرغيف مش هيقول حاجة وهيقول موتنا كمان وكمان وغرقنا كمان وكمان وهشتكنا وبشتكنا ياريس دا انتا ريس والنعمة كويس
انا من دلوقتى بقول لجيمى اول قرار تعمله لما تمسك الحكم ودا بعد ةعغمر طويل للوالد ربنا يحميه اول قرار اعمله انك تمنع عن الموظفين العيش والمرتبات والمعاشات وما تخافشى وحط فى بطنك بطيخة صيفى ما حدش هيعترض ياربنس دا شعبك شعب ودودود ومسالم وما فيش احلى منهولا اطيب وأحن منه على الريس بتاعه॥
وتانى قرار اقتل كل المعارضين على اولهم لو حسيت انى معارض وبرضه ما تخفش دا هيزود حب الشعب ليك لأنك بتحافظ على استقرار وأمن الدولة الحرة المستقلة الديموقراطية
ياريس جيمى عيش وعيشنا وكل وجوعنا والبس وعرينا وعمل كل اللى نفسك فيه ولو حبيت تعمل زي فرعون وتفول انا اله اعمل ولا يهمكش لآن شعبك أضعف وأوهن وأضعف وأجبن من انه يقولك لأ انتا مش اله
ولما نتجرأ ونقولها هنا بس احب اقولك خاف على نفسك يامان لأنك هتتاكل والشعب خلاص صحى وما عدش هيسيبك تلبخ ونهار ابوك اسود وطين
