ثـــوبــه الاول

البسته امه هذا الثوب



ليكون هذا ثوبه الاول



فى يومه الاول



فى عامه الاول



فى عمره الاول



لايدرى اى ثوب بعده سيرتدى



وفى اى عالم سيعيش



وفى اى وقت سينتهى



وفى اى ميعاد سيكون الانتقال



هل سيكون ما يأتى اجمل مما فات



ام سيكون فقط سكن فى عالم الاموات



اه اه تبا لتلك الحياة



هل فيها حقا ما يستحق ان تذرف لاجله الدمعات



هل فيها حقا ما نندم على انه قد فات



ما ذا اذا لم تقم قيامة الاموات



ماذا لو كانت كل الدنيااوهام وخيالات



وكانت حياتنا مجرد تراهات



هل حقا نحن موجودون فى تلك الحيات



ام انها مجرد تهيئات



هل جننت ياأصدقائى



يبدوا ان هذا هو ما حدث



بعد ان فات من العمر ما فات











ملحوظه ::ماحدش ياخد على كلامى انا لاسع ومعايا شهادة تثبت كدا



------------------



احسان سلطان



2090

حمرااااااااااااااااااااااااا يا حكوومه

افعال لا اقوال

شعار مؤتمر الحزب الوطنى السنه دى

طب والنبى اقول ايييه..حمرااااااااا

لالا مش حمرا بس دى حمرة وبنفسجى قالب على ازرق مدلوق عليه صبغه بمبى مسخسخ...

باجماااااعه لازم نصدقهم...



دول الحكومه والحكومة ما بتكذبشى ..هع هع هع..



حد يقدر بنكر انجازات الحزب الوطنى وافعاله اللى محاوطانا ومغرقانا..

الحزب انجز كتييير ياجماعه ولازم نعترف بدا..



وما يجيش واحد حاااقد ومنفسن من يتوع المعارضه المأجورين المندسين.. ويقولى اه انجز..

حتى بالامارة الدويقه تشهد وكمان العبارة ومدينتى والعشوائيات وسكان المقابر واعلى نسبه من نسب الفقرالعالمى وبيع الغاز لا سرائيل واحتكار الحديد وحصار غزه والفساد والخصخصه وبيع المصانع وطرد العمال وازماتهم والاعتقالات والسحل والضرب والدستور المتفصل على المقاس والطوارىء والاسعار وازمة الطماطم وضعف المرتبات والسرطان وفيرس سى وضرب الطالبات واطفال الشوارع وازمات المرور والصرف الصحى ورغيف العيش،، واهانة المصريين بالخارج وقتلهم وتعليقهم على العمدان وجلدهم.. و... و.. و... الخ



لا..لا..لا..لا..لااااااااا..



كلام الحاقدين دا انا ما بحبوش ..



الحزب انجز وانجز كتيير يعنى،، اللى ما يشوفش الانجازات يبقى اعمى..



انتوا اللى بتبصوا للنص الفاضى دايما..



طب ما بتبصوش ليه مثلا ..



على مارينا ولسان الوزراء اللى الفيلا فيه بكام مليون بس (محظور على اى فرد من افراد الشعب دخوله..للوزراء بس) ..



ليه ما تبصوش مثلا على شرم اللى كانت صحرا وبقت جنه(لمبارك وابنه وعيلته)..



ليه ما بتتكلموش عن الغردقه والساحل الشمالى والتطور الرهييب اللى حصل فيهم لخدمة الزوار(الاجانب بس)..



كوبرى 6 اكتوووبر بطوووووله..( يادى الطول يادى الطوول)



البنيه التحتيه القويه جدا جدا..(حد يشاولى عليها والنبى)..



الترسانه العسكريه القويه (بنتقتل على الحدود،،والاسلحة بتتكهن من غير ما تستخدم هههه)



الشرطه والامن اللى موفراه للشعب ( وبينضربوا فى الاستاد ويعذبونا فى الاقسام)..



هو بس هو الحقد اللى مغمى عنيكم.. ومخليكم شايفيين الدنيا سوده ووحشه...



مع ان والنعمه الحكومة كل يوم بتغسل بفيرى وكلور وبتكنس وترش ميه كمان عشان الطراوة..



عمالين تقولوا التغيير التغييير..



وعشان تعرفوا ان الريس ديموقراطى وعادل..

قالكم هسيبلكم الحكم اهه.. وجمال اللى هيمسك.. ونبقى نفذنا طلباتكم وغيرنا..



لا دا كتييييير,, كتييير كتيير يعنى



ربنا يخليكى لينا ياحكومه... وربنا يكرمك ياريس زى ما كرم السادات بالظبط..



بعدين جمال شاب كوويس..لازم ياخد فرصته..مش معنى انه صاحب احمد عز الانتيخ ولا رئيس لجنة السياسات اللى موديا البلد فى داهيه ولا حواليه شلة فاسدين ..انه وحش



لا ياجماعه عييب..



الرجل لازم ياخد فرصته كأى مواطن مصرى عادى، ويجرب..فيها ايه اما يجرب فى شعب يعنى..فداااه الف شعب..دا ابن سوزى الغاليه

وبعدين دا ابن رئيس.. ومذاكر مقررات الحكم كوييس.. المقرر بيجى معاه كدا ..هواا



ويخلق من ضهر الفاسد عااالم على راى المثل..



اهو هيقعد معانا تلاتين اربعين سنه..لو لقيتوا انه ما ينفعش..



ولا تزعلوا نفسكم خااااااااااااالص..نشيله ونجيبلكم فريده..اهى هتبقى ست وقلبها حنيين وكبييير..مش كدا ولا ايييه..

الحزب الوطنى دايما فى مصلحة الشعب

ودايما شعارنا..

من اجلك انت..( هيطلع تلاته تيييت تييت اللى جابوك.. انتا لسا شوفت حاااجة)



والنعمه انا خايف لحسنى يطلعلنا فى التلفزيون سنة 2060م يقولنا(( قعدتوا تنبروا فيها تنبروا فيها وتقولوا توريث توريث.. اهو جمال مااات..هه.. منكم لله))



بصوا ياجماعه..اى حد فيكم يلافينى سيجارة بنى..

عشان أأكسسز..يمكن انسى..



آآآآآآآآآآآآآه يادماغى



فعلا اقوااال لا افعاااال



حمرااااااااااااااااااااااااااااااا

الى امى الحبيبه.... سامحينى فانا عاجز بارادتى..

حبيبتى ..كم عذبتنى بين يديك السنين..كم كأس زل تجرعتها..

لاكون فقط فى محراب عينيك عابد متبتل ...حزيييين

آآآآآاه ياوطنى قد اصبحت ونهارك يملئه السراب ..حتى اذا جائه العاشق لم يجده شىء

،ووجد بجانبه سارق الاحلام،اه ياوطنى قد اتشح نهارك بالوان السوادفى ازياء عسكرية وعصياان فولاذيه،تحمى بظلمها السلطان،

اه ياوطنى الحزين ما مصير العاشقين،سوى الزنزانات والاعتقال،

اه يامصر ياعشقى قد اغتصبك حقراء الزماان ،وابنك خلف القضبان الحديد اسير عاجز ان يحمى شرفه،

من ان تهتكه الكلاب

اه اه ياوطنى،دموعى سالت انهار تبلل ثوبك الاخضرالمخصب بدمائك،

ارى دموعك تقتلنى،ارى استنجادك بى وياللعجز ياامى يداى مكبلتان

طرحت ارضاوحذاء عسكرى ثقيل يدفن عنقى فى التراب نظرت بجانبى وجدت الالاف من اخوتى

متسلقين بجانبى لايحركون ساكن رفع الظابط حذائه وانتقل ليدوس على ظهر اقرب اخوتى

رفعت رائسى قليلاواشرأب عنقى وجدت ملايين من ابنائك وبنااتك مطروحين مستسلمين لاتحصيهم عين

ووجد المتشحون بالسواد هم قلةلا تخطئها العين لعنت عجزى وانهزامى اكل هؤلالالاء يطرحهم ثلة من هؤلاء



قمت من نومتى منتفضا وصرخت بعلو صوتى (تحيااااااااااااا مصــــــــر)



جاوبنى صمت ثقييل ..تسارعت انفاسى وانقبض قلبى

توجه السواد نحوى فعرفت ان الموت حااان،جائتنى اجابة صرختى من بعيييييد بعد ان فقدت الامل فى صوت طفلة يملأه البراااءه

(تحياااااااااااا مصـــــــــر...ا

التفت السواد الى مصدر الصوت وانقسموا فريقين واحد لى وواحد لاختى الجميله التى جاوبنى صوتها

ساد الصمت ثقيييل وبدأت اجراءات الاعدام وامى تزدادا دموعها وهى تنظر لى ولاختى

واستسلمت لمصيرى..فهو الموت لا محال،فجأة..جائتنى الاجابه الثالثه من مكان ابعد توزع حرس السلطان

تبعتها الصرخة الرابعه تحيااااااااا مصـــــر....

تفرق حرس السلطان اكثرليفتكوا بمن تجرا ونطق نداء الحريه

تبعتها صرخات وصرخات احتار الحراس وجدت اخوتى ينتفضون ويهبون من ثباتهم الانهزامى العمييييق وبعلو صوتهم يصرخون

تحياااااااااااااااااااااا مصــــــــــــــــــــــــر...

تحياااااااااااااااااااااا مصــــــــــــــــــــــــر...

تحياااااااااااااااااااااا مصــــــــــــــــــــــــر...

عجز الحراس تجمعوا ليجتموا بظهور بعضهم والصرخات تزداد وهم ينكمشون والخوف يملأقلوبهم

حتى اختفى لون السواد بين جموع المكبلين



اطلقوا النار.........

قالها زعيمهم



وكنت اول الشهدااء،،ودموع امى تنعينى بحرقة اهة تملأ الاكوان

،هجم اخوتى على الحرااس وروحى تراقبهم فى صعودها الى السماء

ارواح كثيرة تلحق بى وينظرون لما يحدث فى تعجب واستغراب



يالله ....سقط السواد تحت احذية الجموع دفنت رقابهم فى التراب وحرر اخوتى بعضهم بعضا وهتفوا بعلو صوتهم





تحياااااااااااااااااااااا مصــــــــــــــــــــــــر...

تحياااااااااااااااااااااا مصــــــــــــــــــــــــر...

تحياااااااااااااااااااااا مصــــــــــــــــــــــــر





.....علقوا اصحاب السواد على ابواب المدينه



وجدت امى تنهض ، من مضجعها الذى اجبرها عليه الكلاب وتملأ فضاء الاكوان بزغارييد الافراح

ونزعت عنها ردائها المخصب بالدماءليظهر مت تحته ثوب ناصع البياض نظرت اللى روحى وارواح اخوتى من الشهداء وقالت..



انا لاانعيكم ابنائى ،بل اهنىء نفسى ان انجبت الرجال،فى زمن قد كاد ان يعدم الرجال ،وفيه المرؤة والشهامة شى من خيااال

الوداع ابنائى فى القلب حزن عليكم الى الابد لكن ..

دموعى ابدا لن تنهااال

فيكفينى فخرا

اننى ام الرجااااااال.

بقلم طل الملوحي..الاسيرة فى ايدى الكلاب...لكى الله ياطل ولن نترككى ابدا

بلادى الحزينه.. تطول الليالي علينا تحاصرنا العصبة المستبدة،جمعت دماءنا في سربوشقت جراحنا نهراً،أحرقت كل تواريخنا،كل ماضي...نا المجيد،وأمضت سيف الذل على أعناقناكأن الطريق المغطى ظلاماً بعيد،طويل،بلا شارة ولا دلاله

اين أنت يا بلادي الحزينة، يا قبلة أيامي الحزينة، أبحث عنك فلا أجدك، فهل أسأل الروم وقيصر؟ من سرق حلمي وجوادي وسيفي؟ من أنادي وهل يسمع من في الحفر؟! صوتي يضيع في أودية القدس، في متاهات الحدود من الخليج الى المحيط والكل.. في نوم سرمدي فقم يا ......صلاح الدين... قم يا بيبرس...
آه .. لو يدري عمر !

صدقا..قد ابكتنى كلماتك ياطل..يااختى التى لم ارها
آآآآآآه ...آآه يابلادى الحزينه

عندما ذهب شاب مصر الحر الى قصر الوالى بعابدين

بكل بساطه..اتفق شباب هذا الوطن المقهور جدا على حاجة واحده

كلنا نازلين عابدين وهنقتدى بالزعيم احمد عرابى وهنروح نقول للحاكم المفترى

(بص بقى ومن غير استعباط الننوس ابنك دا خليه يلعب بلى جمب ماماته انما يحكم مصر دا عند امه ياحسنى)

طلعت انا واتنين معايا صاحبى وحبيبى مصباح واختى الصغيرة فاطمة

اتجمعنا فى العتبه احنا وبعض الاصدقاء(مها الجمل..ساره..رضوى..بوسى..شريف..احمد سلامه.. وكتيير تانيين) وتوكلنا على الله رايحين عابدين

مع العلم ان حى عابدين غالبا حى هادى جدا

لكن اذ فجأة وسبحان الله

لقيناه كله اسود فى اسود وعساكر امن بالعبيط

طب ايه طيب

حاولنا ندخل الميدان الظابط رجعنا

بدانا نلف من شوارع جانبيه

وكل شويه الشباب اللى كان مش عارف يدخل انضم علينا لحد ما بقينا من اربعين لخمسين واحد

70 %

بنات زى الورد البلدى المفتح..هيا الرجاله ماتت ايام الحرب و لا ايه ياجدعااان

قررنا نعمل وقفه فى مكان بديل هو ميدان مصطفى كامل ومن هناك تتحول لمسيرة الى ميدان عابدين

بدأنا نلم نفسنا فى شارع جانبى جمب الميدان

والامن الله يحرقه لاحظ

راح باعتلنا فرقة عساكر فى لبس مدنى

رحنا سيبنا المكان ولمينا نفسنا ورجعنا لمدخل عابدين اللى كنا بنحاول ندخل منه عشان نجمع عدد اكبر ونرجع

لقينا الامن هيبتدى نرخم

قلنا يلا قشطه اديها انتحار ماحنا هندخل

يعنى هندخل

رحنا متجمعين على بعض بسرعه وداخلين جرى ورابعضينا

الظباط مالحقوش يعملولنا حاجة

مجرد ما دخلنا لقينا مجموعة شباب متكردنه

منهم انجى حمدى وميكى

عملنتا مسيرة احنا وبدأنا نتحرك بجانب سور القصر

واشتغلنا بعلو الصووت يسقط يسقط حسنى مبارك ولن نورث بعد اليوم

الامن بدا يحرك كلابه ورانا

وحسينا اننا هنتكردن

رحنا داخلين شارع جانبى وقلبناها حرب شوارع فى ثانيه الا تلت وماشين

نخرم من هنا لهنا

عشان نطلع من اى شارع يودينا على القصر والناس بتتفرج علينا وتستغرب

رحت داخلهم

يا اهلينا ضموا علينا..علشان نخلص من بلاوينا

الناس بدات تتعاطف معانا بجد

ماهو كيلوا البطاطس بسبعه جنيه ما يتعاطفشى ازاى يعنى

واحنا ماشيين نهتف

راجل كبير فى السن قالنا انتوا كدا ماشيين ناحية قسم الشرطه روحوا من الشارع دا

(ربنا يكرمك ياحاج والنعمة انتا راجل زى العسل)

وفعلا سمعنا كلامة

خرجنا تانى من الشارع ورايحين على القصر

كان فى شارعين واحد يودى على القصر والتنانى بيلف ويرجع على الطريق

فجاه لقينا كام ظابط جايين بيجروا علينا

الناس طلعت تجرى وهيا بتهتف عشان ندخل عند الميدان

بس الغلطه بقى فى ظل اللخبطه دخلنا الشارع اللى بيلف وبيرجع على الشارع الرئيسى

والناس تجرى وتهتف والامن يجرى ورانا

والنعمه ولا ابراهيم الابيض وهو بيجرى من رجالة زرزور فى الفيلم

واحنا بنجرى ست كبيرة شافتنا قعدت تدعيلنا بالنصر

(دليل قاطع على وعى الناس وعلمهم ياللى احنا بنعمله وانه صح)

واطفال زى القمر يجروا معانا ويهتفوا معانا يسقط يسقط حسنى مبارك

ولن نورث بعد اليوم

طبعا البنات فى الجرى شىء صعب جدا وفى بنت وقعت مننا فعلا بس مش فاكر هيا مين

طلعتا برة وبدأنا نلم نفسنا تانى قدام مقر الحزب الواطى فى عابدين وبدأنا نهتف

وصوتنا يرج المنطقه وفجاه ومن حيث لا ندرى طلعوا علينا زى القرود ولاد المتضايقه فى ملابس مدنيه وهوباااااااا

عينك ما تشوفش الا النور التقفيش اشتغل

ولا الى بيقشوا فراخ ولا د الذينا

ماشى ياعالم وولاد التيت

واتقفشت كالعاده..هيييه هيييه

العسكرى المعفن بيعمل نمرة قدام الظابط بيشدنى من التيشرت بعنف

رحت واقفله وقلتله بص ما تشدش الهدوم كدا انا جاى معاك لوحدى

جاه يشد تانى

قلتله انا هاجى معاك ماتشدش وما تخافش انا مش هجرى انا مش جاى عشان اهرب انا عندى قضيه وهدافع عنها لاخر نفس مهما كان التمن

بصراحة الراجل اقتنع ومسكنى من دراعى لغاية ما وصلنى للظابط

طبعا قبلى يثانيه كان محمدمصباح اتمسك

العسكرى بيزعقله ويشده طلع واحد من اصحاب المحلات وزعقله قاله انتا بتعمل معاه كدا ليه

قاله مالكش دعوة الراجل زعق وقاله تكلمنى باحترام وماتقلش ادبك

الظابط سمع الحوار قاله خلاص ياحاج ادخل محلك احنا اسفين وخلى العسكرى يبطل غبااااء

بعدين ياسر الهوارى اتمسك ومن ثم توالت الاعتقالات

(حلوة من ثم دى هههه)

ممدوح صفوت،احمد سلامه,محمد الشافعى..كريم احمد..محمود عفيفى

دقيقة وجه ميكروباص فيه امن

نزلوا الامن وركبونا وخدوتا مننا البطايق والكارنيهات والموبايلات ونفضونا على الاخر ولاد التيييت

فى بنت بقى واحنا بنركب اتشاكلت مع الظابط ومش كانت عايزة تسيبنا

على قد ما كنا متضايقين منها وبنقولها تمشى عشان الظابط ما يتغاباش عليها

على قد ما استجدعتها وبتهيألى هيا اللى رميتلنا قلم جوا العربيه بعد ما عربية الترحيلات جت ونقلونا فيها

عشان نكتب اسمائنا بس يلخسارة العربيه طلعت ساعتها

شويه والعربيه طلعت بينا من طريق الموسكى على الحسين عالاوتو ستراد

وطبعا كعادتى المشاغبه دائما شديت مع الظابط عشان اتأكد ان موبايلاتنا وحاجتنا معاه واننا حناخدها تانى

وقعدنا بقى جوا العربيه غنا ومواويل وضحك وجو زى العسل

شويه وسلامه ضغطه ارتفع وبدا يتعب وبصراحة الظابط كان محترم طلعه بره قعده فى الهوا

وجابله علاج وجابلنا ميه

قاعدين جوا العربيه بقى والدنيا خنقه طحن

والواد (محمود عفيفى) يرخم كعادته الازليه

بس الرفقه الحلوة فرقت كتير

وقعدنا نغنى من سجن القلعه لشيد قصورك لياجبيبتى يامصر وياسمسميه والخ الخ كتير

ماهم اربع ساعات ونص بالصلاة عالنبى

شويه وسلامه دخل يقعد معانا بعد ما حالته استقرت واشتغل بقى اشعار لما نسانا بجد اننا فى عربية ترحيلات اشاسا

شويه العربيه وقت قدام (سوبر ماركو )طلبنا من الظابط ميه واكل واديناله فلوس الراجل شاكرا جابلنا كل اللى نفسنا فيه

بصراحه كان نفسى اسئله هو حضرتك ظابط امن بجد ولا بتشتغلنا ياعم الحج انتا

ماهو مافيش كدا ايدا فجاه لقينا العربيه ماشيه فى وسط زحمه

كل واحد مننا مسك شباك وبعلو الصوت

يسقط يسقط حسنى مبارك

(عملنا مظارهة بعربية الترحيلات هييه هيييه)

والناس تبص علينا وتتفاعل وتهدى جمبنا عشان تسمعنا

لغاية ما طلعنا على طريق اسماعليه الصحراوى وكل خمسه كيلوا بدأو ينزلوا واحد واحد ولاد المتضايقه

لغاية ما نزلنا كلنا وبنحاول نرجع ان عربيه تقف ولا عربيه بس الحمد لله فى ناس بنت حلال وقفت وخادتنا معاها العاشر ومن هناك على البووووووورصه

وهناك سمعت خبر الاعتداء الحقير على البنات اللى اتاخدت

وحياة امى الغاليه مصر ياظابط يابن الكلب مهما كانت رتبتك لو كنت وقعت فى ايدى ما كنت سايبك الا ميت واللى يحصل يحصل

ولو قابلتك فى مظاهرة تانيه والبنات شاورولى عليك

صدقنى والنعمة لاخليك بعدها تبقى سوسن

واسئل امين الشرطه الحيوان اللى ضربنى وهما ماسكينى يوم عشرين مايوا وهو يقولك

هتبقى سوسن ازاى ياكلب



فى النهايه

فى كلمات اغنيه بحبها قوى وهيا انسب حاجة للختام



كان القمر فى سماه.. والنجمة بتبكى.. عابلادنا الحلوة الحلوة.. لدروبها بتحكى..

عن عشاق بيضحــوا.. بالغـالى وبالـروح.. واما يضحـوا يصـحوا.. جــوا الوطـن الـرروح

ولا قوة ولا سلاح.. يهدموا حلم جميل.. افتح قلبك واجه واجه.. لسا طريقنا طويييل

طول ما انا وانتا اتنين مش واحد.. يفضل حسنى هو القائد.. ويبقى الظلم فى وطنك سايد

اترددت كتير قوى قبل ما اكتب النوت دا وفى الاخر قررت اكتبه..
كان فى واحد صاحبى اسمه على اسمى وعنوانه عنوانى(والنبى ماعرفوش يابيه) كان بيجمع توقيعات
وهو ماشى لقى تلاته قاعدين
شابين صغيرين
وراجل كبيير فى السن
دخل عليهم
السلام عليكم
كيف الحال
الحمد لله تمام
انا كذا عضو الجمعيه الوطنيه للتغيير
ممكن حضراتكوا تبصوا على الورقه دى
وتقرأوا المطالب اللى فيها
بدأ الثلاثه فى القراءه بعد قليل قال لى اصغرهم
ربنا يجيب التغيير من عنده
قلت له ان الله لايغير ما بقوم حتى يغيروا ما بانفسهم
قالى يعنى هنقول للحكومه ايه
قلت له رسولنا صلى الله عليه وسلم قاللنا
ان اعظم الجهاد كلمة حق عند سلطان جائر
قالى ربنا يبعت الفرج من عنده
ثم تكلم اكبرهم سنا قائلا
المطالب دى ناقصه مطلب مهم جدا
قلتله ايه هو يافندم
قالى مبدأ المواطنه
وهوب عينك ما تشوف الا النور
احنا مطهدين ومعزبين مش عارفين نبنى كنايس
ولا عارفين نعيش ازاى تمنعوا مكان العباده انه يتبنى
ولمانرشح حد مش بينجح ومش عارفين نمسك اى منصب فى البلد
وكل يوم قتل وتدبيح فى نجع حمادى وفى المنيا وفى عيد الميلاد
احنا مطهدين والاستبداد شغال علينا بكل الطرق
لما خلاص طقينا
ربك والحق انا اتخضيت واتصدمت
فى ايه ياعم الحاج
قلتله تسمحلى اتكلم يافندم
قالى اتفضل
قلتله يافندم اللى مانعك من انك تبنى كنايس هو النظام مش الشعب
واللى بيزور ارادتك ويوصل ناس ما تمثلكش للمجلس
هو النظام
والى بيوقع ما بينا فى فتن طائفيه ويوقعنا فى بعض هو النظام عشان يعرف يحكمنا بالطوارىء والحديد والنار
قالى ماهو النظام منكم
قلتله لا يافندم النظام مستحيل يكون مننا
قالى ازاى يعنى
قلتله يافندم اللى يقتلنى انا وولادى ويحرقنى ويغرقنى ويسرطننى ويفيرسننى ويمرضنى ويفقرنى ويصاحب اعدائى وياخدهم بالحضن ويعادى اخواتى وشعبى يبقى مش مننا يبقى عدونا
ثانيا يافندم انا لما جيت اكلم حضرتك ما سئلتكش انتى مسلم ولا مسيحى
انا دخلت اكلمك على انك مصرى وانا مصرى
مايهمنيش اسمك ولا دينك ولا عنوانك
يهمنى الانسان المصرى بس بدون اى مسميات اخرى
انا واحد من اعز واخلص اصدقاءى مسيحى واسمه ف.ع.ن ويمكن بالنسبالى هو اخ اكتر من صديق
ولما حضرتك قلت انه ناقص اهم مطلب وهو مطلب تفعيل المواطنه
يافندم انا ما افترضتش ان انا وانتا اتنين مختلفين عشان نطالب مع بعض بمطالب
انا بكلمك عشان انا وانتا واحد
والمقدمة فى الورقه بتقول
(الجمعيه الوطنيه للتغيير بابها مفتووح لكل المصريين)
بدون تفريق
يعنى انا لما كلمت حضرتك ما فترضتش اننا اتنين
يافندم انا وانتا اتولدنا هنا على ارض مصر وكلنا من خيرها وشربنا من نيلها واتعلمنا فى مدارسها وكبرنا فى حواريها ولعبنا فى ملاعبها
الله يلعن ابوا اللى يفرقنا ياجدع
وياسديى الفاضل فى حاجة مهمة قوى
السرطان مش بيفرق بين مسلم ومسيحى والفشل الكلوى وفيرس سى مش بيختار مسلم او مسيحى
ولما قطر الصعيد ولع
اتحرقنا سوا
ولما العبارة غرقت غرقنا سوا
ولما الفقر عشش جابنا احنا سوا
ولما الصخرة فى الدويقة وقعت شالت المسيحى والمسلم سوا
وفى ثورة 19 كنا سوا
وفى 73 دمنا سال مع بعض وروا الارض وحررها وكنا احنا الاتنين بنهتف هتاف واحد
الله اكبر من اى عدو واى حد
وكنا بنقعد جمب بعض فى المدرسه مابتسئلشى اللى جمبك مسلم ولا مسيحى
ولما انتا جيت قعدت دلوقتى ما سئلتش الشابين اللى جمبك دول مسلمين ولا مسيحيين
وكل الظلم اللى حاصل دلوقتى مش مميز مابين مسلم ومسيحى دا بشيل اى حد قدامه
انا مش هنكر ان فى متطرفين فاهمين الدين غلط من الجمبين
لكن احنا مش مجانينن عشان نسلملهم يوقعونا فى بعض.. ونمشى وراهم زى القطيع
لو ما كناش احنا الاتنين نمسك ايدين بعض
ونجدف سوا عشان نوصل للبر بسلام
ونعيش نشيل الوطن دا كل واحد من ناحيه
يبقى فعلا خسارة يامصر
لو سمحنا للنظام انه يفرقنا عن بعض عشان يعرف يحكمنا بالذل والظلم والقهر والاستبداد والفقر
يبقى احنا عار على مصر
عار على كل شبر فى ارض مصر
وطول ماحنا اتنين مش واحد
يبقى الظلم هيفضل سايد
ويفضل حسنى هو القائد
ونبقى عايشين عارفين ان اننا بنظلم ولادنا قبل ما نجيبهم للدنيا لاننا جايبنهم يعيشوا فى فساد وزل وظلم وقهر هيحولهم لوحوش مش بنى ادمين..

لا حظت انى بتكلم بصوت عالى بانفعال شديد
هديت نفسى..
وقلتله انا اسف انى انفعلت عليكوا ياجماعة
لكن بجد صعبت عليا بلدى وصعبت عليا نفسى لما اكون انا واخويا بنتعادى والمستفيد الوحيد هو عدونا الحقيقى النظام الفاسد
نظر الرجل الي طويلا فى عينى
ونظرت اليه طويلا
حتى ظننت الصمت سيطول الى الابد
ثم تحدث الى قائلا
والله عندك حق فى كل اللى قلته يابنى
واحنا لو رجاله بجد مش هنسيبهم يعملوا فينا كدا
انا ساكن فى العمارة اللى وراك دى
وبقعد هنا كل يوم
تعالالى بكرة وهتلاقينى ماضى انا وعيلتى كلها خد منى الورقه
سلمت عليه
واعتذرت مرة اخر عن اسلوبى فى الحوار
شد الرجل على يدى
وقام واختضننى
وفى عينى كل منا دمعة ترجوا المفر من مئاقى العين لكننا نحبسها قهرا
فهى لن تنزل الا كدموع فرح عند النصر
وسلمت عليه وافترقنا على وعد باللقاء قريبا جدا
لنكتب سويا سطورا فى كتاب حرية هذا الوطن ومجده ورفعته

عن بنت اسمها طل.. ما لحقتش تقول انبارح كان عمرى عشرين..زهرة محبوسه وسط الف سجين

تسعتاشر سنه بس



ايه اللى 19 سنه

دا سنها.. سن طل الملوحى البنت اللى مجرد ماتشوف صورتها تحس بكميه براااءه مش موجوده فى حد



اكيد هتسئل مالها



بكل بساطة معتقلة من سنه ومن هيا عندها 18 سنه يعى قد اخويا الصغييير بالضبط

على ايد نظام بشار الاسد القذر

ولو عرفت السبب تستغرب قوى

السبب هو انها كتبت كلمة حق فى مدونتها عن النظام السورى وعن قضية فلسطين



-هوا دا بس السبب

تخيل بنت زى القمر وبالسن دا وتعتقل عشان اتكلمت

عشان ما استحملتش الظلم

وقالت كلمة حق

وتخيل كمية العذاب والتنكيل والظلم والاهانه اللى حصلتلها فى معتقلات النظام السورى العقيم

وانتا اكيد شوفت فيلم الكرنك وعارف البنت ممكن يحصلها ايه فى المعتقل



اكيد هتقولى ياعم ربنا عالظالم وبعدين دى فى سوريا

مش لما نبقى نخلص من البلاوى الزرقا اللى عندنا فى البلد

نبقى نفكر فى غيرنا



الرسول عليه الصلاة والسلام قال من اصبح ولم يهتم بامر المسلمين فليس منهم



يعنى مش مهم هيا منين

ومش مهم البلاوى اللى احنا فيها قد ايه

المهم ان فى انسانه واقع عليها الظلم ولازم نساعدها



وبعدين من غير ماتكون مسلمه كفايه انها انسانه ووقع عليها ظلم

لازم كلنا نساعدها فى استرداد حريتها

تخيل لو اختك الصغيره هيا اللى كانت مكانها كنت هتعمل ايه

تخيل لو انتا نفسك كنت مكانها كنت هتبقى عايز الناس تتفاعل معاك ومع قضيتك ازاى

تخيل لو دى بنتك او زوجتك

تخيل.. تخيل

صدقنى الموضوع صعب قوى قوووى





-يعنى نعمل ايه يعنى

على الاقل نقف جمها ننطق ونقول بصوتها المحبوس خلف قضبان الحديد

نوصل صوتها اللى اتسجن بعلو الصوت لكل العالم

نخلى قضيتها تعدى جدران السجن وتوصل لكل العالم

نحرج النظام السورى قدام العالم كله ونجبره انه يخرجها من غياهيب سجونه القذره



- قولى بس اعمل ايه





هننزل كلنا يوم الوقفه اللى قدام السفارة السوريه

هنوصل صوتها لكل مكان عن طريق النت والفيس بوك وتوييتر وماى سبيس ولى موقع اجتماعى

هنسيب كومنت فى كل موقع ندخل عليه عن طل

هنكتب موضوع فى كل منتدى ندخله عن طل الملوحى

هنوصل صوتنا لكل منظمات حقوق الانسان على مستوى العالم وهنبعتلهم رسايل عن طل وعن اللى حصلها

لما يكون فى برنامج حوارى والاتصالاات فيه مفتوحه على اى قناه محليه اوعالميه هنتصل ونتكلم عن طل الملوحى وعن كل معتقل

هنحرج النظام السورى بشتى الطرق والوسائل لغاية ما نجبره انه يخرج (( طل و ايات )) وغيرهم وغيرهم من البنات والشباب المعتقل

ياترى هنقدر نعمل الحاجات البسيطه دى لوحده كان ممكن بكل بساطه تكون اختنا او امنا او اى حد يهمنا



ولا .... هنكسل كالعاده

حر يادومة ولو ظلموك...من خوفهم منك سجنوك

لا اعلم حقا من اين ابتدىء الكلام فالهم اجتاحنى وسيطرت على الكئآآبه منذ سمعت الخبر بحكم المحكمة على اخى الاصغر ((دومة)) بالسجن لمدة 3 شهور مع النفاذ
جلست فى غرفتى صامتا انظر اللى شاشة الحاسب ببلاهة واعبث باقلامى فى حركات عشوائيه لا اراديه
يكاد تفكيرى يشل ..وقلبى ان يتوقف ولا اعلم ماذا افعل..سجنوك يادومة..كلاب الدوله..

احمد دومة
اسم شخص حر من اعز الاصدقاء ومن احب الاشخاص الى قلبى
شخص ذو شخصيه فريده محبوبه ..صديق ونعم الصديق..شخصية من الشخصيات اللتى تدخل الى قلبك من اول مقابله دون سؤال او استئذان

كنت احب دائماالهزار معه فأناديه بأخى الاصغر هذا لانى اكبره بعام
لكن اليوم كم اشعر حقا انك انت اخى الاكبر يادومة وكم انا صغير بجوارك
انت ياطير الحريه السجين الذى رفض الذل والظلم ورفض
الانصياع لنظام خائن لوطنه والاستسلام لمجموعة من حثالة
رجال الشرطة عندما حاولوا الاعتداء على اخواتك فى مظاهرة 3 مايو
اليوم تدفع ثمن شهامتك من حريتك الغاليه
اليوم يزجون بك خلف الجدران لانهم يعلمون كم انت كبير يادومة وكم ان صوتك عندما تهتف فى اى وقفة او مظاهرة يزرع الامل فى نفوس المئات بلا الاف من الشباب

ابياتك الشعريه التى الهبت ظهر النظام كالسياط الحامية لانها فضحتهم وبينت حقيقتهم
لا اعرف لماذا دائما اتذكر تلك الابيات اللتى سمعتها منك فى طريقنا اللى غزة
ربما لانك كنت تقولها باحساس عالى جل ان تجده فى شاعر ام لصدق نواياك ام لماذا
لا اعلم ياخى الاكبر لكن مان اتذكرك حتى اتذكرها
كنت تقول

اعمى وظلمك بالسواد
لون دروبك والطريق
وماعدش عارف من غبائك
من عدوك مين صديق
ومصدق انه بقشه قصدى
بكام رصاصه ممكن ينجى الغريق
عايز رصاصك ياغبى
يقتل من الاحرار الوف
اسمع وشوف الثورة ما بتقومش
غير لما يدفع رجالتها ميت تمن
واحنابدمانا وبعرقنا بنضالنا
راح نشيلكم من فوق صدر الوطن
غوروا بقى كفايه عفن..
عايز تموت زهرة الحريه ليه ياكلب بيه..
عاوز تدمر حلم مصر الصابرة من تلاتين سنه
وتبيع دم الغلابه للديابه يكام جنيه
بكل حر ومش جبان راح ينتهى ليل الهوان
عشتى يامصر ..عشتى يامصر

وانت حر يا اخى حتى وان قيدوك وحبسوك
حر ما دام فى شباب مصر عرق ينبض
حر ما دامت مصر مليئة بامثالك
حر طالما ظل فى الوجود اسم مصر
فبك ومن شابهك تحرر هذه البلاد من قيد اعمى
قيدها وخنقها منذ ثلاثين عاما
لكنها ابدا لن تموت حتى وان دفعنا حريتنا ودمائنا وروحنا ثمنا لبقائها
فهو ثمن بخس فداءا لتراب هذا الوطن الغالى


اخى العزيز
لا اعلم لماذا اجتاحنى احساس بالغربه منذ ان سمعت الخبر
لا اعلم لماذا احس انى فى سجن رغم انى خارج جدرانه وانت داخله
احاسيس غريبه تجتاجنى ولا اعرف لها وصفا
لكن كل ما اعرفة ان

الظلم لو طال ليله للحق الف نهار
وان طال عذابه وويلله لابد يوم ينهار
دا الظلم يوم والحق كل يوم
وازاى يدوم دالباقى هو الله

ان شالله بكرة اللى ظلموك
هيشوفوا العذاب الوان
كل لحظة هتقضيها ورا قضبان سجن الظلم
هتكون وبال عليهم
اخى الكبير
اصبر يا أخى وصابر واحتسب فما عند الله ابدا لن يضيع

وقولوا لكلب العادلى وسيده
بكرة الشعب هيقطع ايده


هتوحشنى بجد يادومة

دا بجد دا ... ولا هزار

كلفت فى احد الاجتماعات ان اكون من المسؤلين عن إخراج صحيفة معينه إلى النور أن أكون ضمن فرق العمل ..
ففكرت ان اكتب مقالا افتتاحيا.. نزلت سلالم نقابة الصحفيين ببطء وأنا أفكر كنت أسير مع بعض الزملاء لكنى فعلا لا أركز إلا على شيء واحد كيف ستكون المقالة وعن ماذا سأتحدث تحديدا وما الموضوع الذي يليق بالعدد الأول من هذه الدورية..هل أتحدث عن الفساد الذي يملأ جنبات الوطن أم التعذيب أم الطوارىء أم حقوق الشعب المهدرة أم التزوير ام السرقات او الاحتكار..أو..أو.. أفكار لا تنتهي من كثرتها فى وطن أنهكه الذل والفساد ..
سرت تائها في افكارى حائرا بين العديد من المواضيع التي تصارع بعضها بعضا داخل رأسي عل احدها يقع عليه الاختيار ويستقر في فكرى ليكون هو صاحب أول عدد..
وصلت أنا والأصدقاء إلى مقهى اعتدنا الجلوس عليه بجانب البورصة واتت إلى طاولتنا فتاة جميله صغيرة شعرها اصفر وعينيها في زرقة البحر لا يتجاوز سنها الخامسة على أقصى تقدير تبيع المناديل الورقيه داعبتها قليلا ثم اشتريت منها علبه وقلبي تملاه الحسرة والأسى على جيل صغير بدلا من ان يجد الملجأ والحماية والتربية الذي من المفترض أن توفره له بلده كبلد محترم يسير فى الطرقات ليتسول قروش علها تفيده هو وعائلته في ظل هذا الغلاء القاتل الذي يجتاح البلاد طولا وعرضا..
عدت لاندمج في تفكيري لكن بلا شعور وجدت عيني تركز على فتاه في التاسعة عشرة او العشرين من العمر تسير حاملة في يدها حزمة من الجرائد وجها جميل الملامح يشع براءة وطهرا ولباسها يدل على فتاة من أسرة طيبه محترمة يدل شكلها على أنها تدرس في كلية ما في البداية ظننتها إحدى الزميلات في المعارضة توزع جريدة تابعة لحزب اوحركة ما لكن عندما اقتربت الفتاة منا وعندها نظرت إلى ما في يدها إذا هيا حزمة من الجرائد اليومية..!!
تعجبت جدا واستغربت لماذا تحمل كل هذا الكم من الجرائد.
لكن استغرابي لم يطل كثيرا حين نادى عليها احد زملائنا طالبا منها جريدة الدستور فاشتريت أنا أيضا جريدة أخرى ودفعنا لها الثمن وسارت في طريقها تنظر إلى الأرض نظره حزينة حاملة همومها التي تحس كم هيا ثقيلة رغم انك لم تتعامل معها إلا بأخذ جرنال ودفع الثمن دون اى حديث..
نسيت ما كنت أفكر فيه تماما وسرحت بخيالي كيف تعيش هذه الفتاه وعلى كم فرد من أسرتها تنفق وهل والدها حي أم ميت وكيف حال أسرتها وكيف هو منزلها ولما اختارت هذا العمل بالذات هل لاتها تحب نشر العلم والثقافة وأيضا كسب لقمة عيش شريفه أم هيا مجرد شغلانة والسلام..
وذهبت بخيالي إلى مقارنات عجيبة ففي بلادنا أناس يسرقون مقدراتنا وقوت أولادنا وخيرات شعبنا ليل نهار ويملأون بنقودنا بنوك سويسرا حتى فاضت خزائنها عن أخرها ويسعون في الأرض ظلما وفسادا و خرابا يمينا وشمالا ولا يحاسبهم احد.. وان خرج أحدنا ليندد بالظلم كان مصيره الاعتقال وغياهب السجون والتعذيب خلف الشمس..
وتلك الفتاه التي لو قابلها مسؤل من مسؤل الحي ـ"مثل الذي قابل عم عبد السميع صابر فانتهت الحكاية بمقتل عم عبد السميع من التعذيب على يد الشرطة"ـ لنظر لها بكل القرف و لأمر الشرطي أن يصادر ما معها من جرائد وأموال ومن المؤكد انه سيأمر الشرطي بجرها إلى القسم والتحقيق معها بتهمة إشغال الطريق وتعطيل المرور بل وريما تختمر في رائيه فكرة ما فيضيف إلى ما سبق جريمة التسول.. فينهى مستقبلها قبل أن يبدأ.. ويقتل أحلامها المشرعة في حياة كريمة آمنه قبل أن ترى أحلامها ولو حتى بصيص نور ضعيف.. وكل ذنبها أنها ولدت فقيرة في وطن لا يعترف بمواطنيه من الفقراء ولا يعترف باى حق لهم...
بل ربما تجد سيادة المسئول ينظر إلى الفتاة بعد كل ذالك فيرى عيناها تملأها دموع القهر والظلم والمرارة.
فيقول بكل تبجح وهو ينظر نظرة اشمئزاز.. جاتكوا القرف مليتوا البلد..
حقا" الفقر غربه في الوطن, مالوش لا ضهر ولا تمن., نتعب ونشقى سنين., ويادوب نجيب حق الكفن"
واحتمال كبير سيادة المسؤل يستكثره عليها وعلينا..

تصدقوا أنا نسيت أساسا إن أنا كنت بفكر في إيه...

ياعم قولنالك مش من هنا ....من هناااااااااااااااا

ابدأ منين مش عارف
ام هند(المهم يعنى)
انا كنت رايح الوقفة فى المنصورة فى امان الله اول ما وصلت فى الميعاد
طبيعى الامن راشق فى كل حتة وعربيات الامن المركزى والتاكس الازرق(عربية الترحيلات) مرشقه هيا التانيه لقيت الحضور ضعيف اتخضيت يالهوى مش هيا دى المنصورة ابدا
فين البنى ادمين ياعم الحج
شويه وابتدت تندع قلت الحمد لله
لواء الشرطه المحترم(على فكرة بجد وماحدش يزعل) رئيس قسم فى المنصورةومعاه اتنين ظبات رتب بدأ يمشى الناس(امشى من هنا..عصلج..بطاقتك يامان)
تحاورت معاه يكل هدوء وعقلانيه وحاولت بكل قوة ان الحوار يطووووووووووووووووول عشان ما يروحش يمشى الناس وكل ما حد من اللى معاه يجى يتحرك عشان يمشى الناس اقوله يافندم لو سمحت كنت عايز اقول لسيادتك كلمة حضرتك قد زى والدى واللى معاك اد اخويا الكبير وكلنا عيله واحدة والاحترام متبادل
المهم الحوار دام لما يقرب من تلت ساعة ببص بعدها على الكورنيش مالقيتش فيه حته فاضيه
ايوا كدا هيا دى المنصورة
والحمد لله تم تحقيق الهدف من الحوار
قلت للظابط عموما فرصه سعيده يافندم واتشرفت بالحديث مع حضرتك جدا
(بص على الكورنيش لقاه مليان باصلى وفى عينيه لمعه ونظرة عميقه تبتقولى(اه يابن التييت ماشى)

قلت اصور التاكس الازرق وعربيات الامن
جالى امين شاب وسيم ومسمسم كدا
قالى يافندم ما تصورش
وامسح الصور
طبعا مش طالبه احتكاك خالص دلوقت
قلتله حاضر يافندم ادى الصور اهه دليت
ودى صور شخصيه تحب امسحها هيا التانيه
قالى لا يافندم انا بس خايف عليك عشان ماحدش بعملك مشكله
طيب يافندم كنر الف خيرك
(طبعا كان فى عشرتاشر حد بيصور فمش فارقه الصورتين دول)قلتله بس يافندم ممكن سؤال
قالى اتفضل
قلتله هو حضرتك مالبستش اسود ليه(سؤال رخم مش كدا)
قاللى والله انا كنت لابس اسود انبارح
النهاردة لقيتهم بيقوللى تعالى فى وقفة والله لو كنت اعرف كنت لبست اسود
وعموما انا معاكم
واميلى (طبنجة_2مخبرين_رصاصه ات داخليه دوت اورج) نوصلك لحد البيت
لو عايز تكلمنى
يلعن ابوهم واحد واحد
انا هستقيل واركب دقن وابقى سنى
يلا ياعم
وراح واقف مدى وشه للنيل

هههههههههههه لذيذ خالص الامين دا


شويه وجة الدكتور حسن نافعه و أ:جورج ودكتور اسامه حرب وأ:ابو العز الحريرى وتوجهوا الى النقابه
والعادى بعد ماعدوا من الكمين اللى على اول الطريق اللى بعد كوبرى طلخا قفلوا الطريق
حاولت اعدى انا وناس اصحابى ماعرفناش
قشطه جدا
بدأت الحوار مع الضابط اللى كان موجود
قاللى والله يبنى انتوا مضحوك عليكم..
مضحوك علينا ازاى يافندم
بينى البلد دى مش بتاعتنا البلدى بتاعتهم هما سبحان الله اول مره اعرف طول عمرة فاكرها بتاعة الشرطه
قاللى طالما مالكش فيها ارض او مشروع ملكك فهيا مش بتاعتك دا هما واكلينها والعه
سواء دول(يقصد الحكومة) او دول(يقصد قيادات المعارضه)
حاولت اتحاور معاه قالى بص يبنى ما تتفذلكش مع بتوعو الشرطه دا انا اقلعلك الكاب الميرى واخربطلك هنا احنا مابنفهمش وما بنتفاهمش
بسم الله ماشاء الله
كان نفسى اسجلها قوى
وشويه ولواء شرطه واقف نده عليا وقالى
خلاص يااحسان ياسلطان ياللى عنوانك كذاكذا
وبرضه نده على كذا واحد من الرفقاء(حلوة الرفقاء دى) بالاسم والعنوان
جديده دى
لا لالالالا....والله واتشهرت يااحسان ياخويا
مع العلم انى اول مرة فى حياتى اشوف سيادة اللواء المحترم دا
بيقولى بدبلوماسيه عارفك يامعلم اى والنعمة عارفك بس سيبك بمزاجى يانجم الجير
قلتله على فكرة انا مش اسمى احسان انا اسمى ابراهيم
بصلى باستغراب وشك فى نفسه وقالى بصوت اجش اى والنعمة اجش
تعالى هنا هات بطاقتك
صعب عليا قوى
قلتله خلاص يافندم انا فعلا زى ما سيادتك بتقول كدا بالظبط
انا احسان اللى بيته وعنوانه كذا
يانت على وجهه اسارير الفرحه واكيد قال فى نفسه- ابوة كدا انا نعلوناتى لا يونكن تخيب ابدا وحنفى..مفيش حنفى-
طبعا مرة واتنين نحاول نعدى وهما رافضين ولما لقوا ناس كتير اتجمعت
فى الاخر قالولنا روحوا من الشوارع الجانبيه
يلا هيلا بيلا وعلى الشوارع الجانبيه جرى
برضه مقفله مقفل مقفله
لا بقا اهنا هنهرج احنا هنعدى يعنى هنعدى
الاخوان اشتغلوا هتافات من عينة(حسبنا الله ونعم الوكيل )قلبت مظاهرة فى ثانيه الا تلت
قشطااااااااات يامعلم
طب ايه طه.. هنعدى ازاى طه..ام هند
واحد من شباب الجمعيه وشباب 6 ابريل(2فى1ههههه عليا النعمة ماعرفه ياسعادة البيه)
المهم طلع بصوت عالى وقاااال
كل الشعب بظلمك حاسس
كل الناس هتفت وراه
ثم جاب التقيله
يسققط يسقط اللى فى باللى..هههه (مش هقولوكوا على اسمه ابدا ابدا اللى فى بالى دا)

وحوالى اربعه الى خمس شباب من شباب الجمعيه حاولوا يكسروا الكردون
واوعى يامعلم عينك ما تشوف الا النور الضرب اشتغل
بس على مين هنعدى يعنى هيعدى
العساكر تضرب فينا والظابط اللى وراهم يضرب فيهم
بس كلمة حق كان فى ظابط بيقول للعساكر ما تضربش اه لو كل ظباط مصر هذا الرجل كانت عمرت اى والله
المهم كاتش يمين..كاتش شمال..خدنا اتجاه العساكر وبدأ شباب الجمعيه محاولة العبور وسط الضرب الناس اتشجعت وهجمت
واذ فأجة الكردون انفتح(يافرج الله) وطوفان من البشر بيعدى
والنعمة ولا شلاالات نياجرا
كتيييير قوى ناس مالهاش عد
جم منين دول ياخويا ما تعرفش
وانا بحاول اصور واجرى ومش ملاحق اصور فين ولا فين من كتر الناس
كانوا فين دول ياخويا ما تعرفش
وصلنا النقابه

هيه..هيه.. وصلنا

القاعة الاساسيه اتملت والتلت قاعات الفرديين اتملوا والدنيا ايه مالهاش حل
بدأ المؤتمر واتكلم الضيوف عن مصايب مصر والهدف من المؤتمر مش اننا نتلم ونسيح وخلاص
الهدف اننا نحط اهداف نشتغل عليها بجد

والله الناس دى بتقول كلام زى الفل

طبعا كان مؤتمر رائع
تخلله العديد من الهتافات اياها
بعد ما خلص الناس بدأت تروح
وجلست انا والرفقاء وسحبنا كرسسين وقعدناندردش داخل النقابه
بعدين قررنا نروح
واحنا مروحين كانت عربيات الامن المركزى لسا بتغادر
وعساكر الامن بيشاورولنا ويقولوا بالسلامة يارجاله
ياصلاة العشا..عادى بقى
عدينا من الكوبرى اللى كان مقفول من ساعتين بس
مالقيناش عليه ولا عسكرى
وروحنا نوقف تاكس (من العادى مش من الازرق اه)
ان تاكس يوقف
ابدا
عشر دقايق
ربع ساعة
نص ساعة
اقف بقى ياعم التاكس مافيش فايده

فجأة لاحت لى فى الافق كلمة السر لسواقين تاكسى المنصورة وهيا(5)

تاكس
وقف التاكس
فاضى ياسطى
لا والله( ههه الغريبه ان ما كانش حد راكب)
طيب ياسطى خمسة جنيه وتودينا الموقف
فكر شويه وقال
ركبنا ..
ياريت ياسطى تطلع من على النيل..
قال طيب حاضر ..وراح طالع من طرق المحطة..

رخامه..ياعم قولنالك مش من هنا ....من هنااااااااااااااااااااا
طيب
وهيه هيه
هنروح هنروح
وتوته توه خلصت الحدوته
حدوة يوم
سطر فى كتاب
لسا بيتكتب
اسمه
كتاب التغيير والتحرير
قولوا يارب
نكنب فيه كلمة نهايه سعيده جدا عن قريب ان شالله

افعل ما شئت يا مبارك فالكل جبان

افعل ما شئت يا مبارك فالكل جبان

تقتل أبنائنا في الشوارع والأقسام

ولا اعتراض فالكل جباااان

وقاتل مروى يمرح بالحرية في كل مكان

ولا اعتراض فالكل جبان

اعتقلوا بالكويت أخوتنا ورحلوهم كالقطعان

ولا اعتراض فالكل جبان

من قتلوا كل نبي وفى غزة اعدموا الغلمان

يستمتعون بغازنا ونحن من اجله نهان

والكل جباااااااااان

لا نجد لقمة عيشناولا اعتراض

فالكل جبان

الكل مهان

قد قتل المرض أحبتنا

والغرق غيب إخوتنا

وصفقوا للقاتل بكل حنان

والكل جبان

قتلت في القلب كرامتنا

وكل الدنيا إهانتنا

وتطاول علينا حتى الجرذان

والكل جبان

تسرق كل مواردنا

وانفجر الدين العام

والكل جبان

نسكن المقابر

ويأكلناوالسرطان

والكل جبان

اقسم لم يعد اليوم بمصر إنسان

يشعر بحريته في اى مكان

والجبن يجرى في جسدنا

مجرى الدم من الشريان

فافعل ما شئت يا مبارك فالكل جبان

الكل مها

عندما تشعر حقا ان هناك امل ..رغم كل الصعاب

قمت من النوم متأخرا اكثر من ساعة وعشرة دقائق هذا اليوم
يوم الجمعه 25/6 رغم انى كنت قد برمجت هاتفى المحمول ليوقظنى عندما تعلن اشارات ضبط الوقت الوقت السابعه صباحا بتوقيت القاهرة وحواريها..لكنى ابدا لم استيقظ فى هذا الموعد رغم كثرة الالحان المزعجة التى عزفها هاتفى لمدة ساعة كامله وكله امل ان يجبرنى على الافاقة من نومتى الثقيله جدا
لكنى ابدا لم استجب لندائاته المستمرة
الى ان اتصل بى صديقى وليد وكنت قد اتفقت معه ان نتقابل فى محطة القطار لنذهب الى الاسكندريه معا انا وبعض الاصدقاء ولا اعلم لماذا سمعت الهاتف هذه المره
سألنى صديقى انتا فين
قبل ان ارد نظرت الى الساعه وجدتها الثامنه وخمسة دقائق وكان موعدى مع صديقى التاسعة الا ربع علما بانى ابعد عن مكان اللقاء مسافة 30 كم
قفزت مذعورا من على السرير
وقلت له بلبس ونازل من البيت
قالى يبقى اكيد مش هتلحق القطر
قلت له ان شالله هلحق
رغم علمى اليقينى بان هذا يكاد يكون مستحيلا نظريا
لكن كان املى فى الله اكبر لاانى خارج هذا اليوم فى سبيله ومن اجل الوطن واخ لى فى الوطن والدين والاصل تم انتهاك حرمته وقتله شر قتله على يد كلاب حراس حاكم متجبر
قمت سريعا وتوضأت وصليت على عجل وكل دقيقة تمر تزيد من صعوبة اللحاق بالميعاد
المهم نزلت سريعا وانطلقت سربعا الى موقف السيارات وركبت السيارة الساعة الثامنه والربع والتى كان ينقصها اربع افراد وقمت بتحمل اجرتهم املا ان الحق بالميعاد وكأن الله يريدنى حقا ان الحق ميعادى
كان الطريق شبه فارغ وانطلق السائق بسرعه عاليه حتى وصلت الى المدينه محل اللقاء كانت الساعة التاسعة الا ثلث
ركبت تاكسى وانطلقت به الى محطة القطار وكنت اقف امام صديقى فى التاسعة الا عشر دقائق وكان ميعاد القطار التاسعه الا خمسه
والحمد لله لحقنا جميعا القطار وانطلقنا فى رحلتنا الى الاسكندريه لم احس بطول الطريق لان الصحبه كانت رائعه ومايئه بالمناقشات الجميله وصلنا الى الاسكندريه وتواصلنا مع الاصدقاء من شباب القاهرة والاسكندريه وتجمعنا جميعا على كافتيريا عند محطة ترام از يـس
ومنها ركبنا الترام وانظلقنا الى سيدى جابر لنلحق بالصلاه
تقابلنا مع وفد الدكتور البرادعى وانضمينا اليهم ووصلنا الى المسجد
وكالعادة ابتدت مضايقات الامن مبكرا مع تعمد الخطيب ان يطيل قرابة الساعة فى الخطبه لكن الحمد لله لم تفلت اعصاب احد منا او نقوم باى فعل يدل على الغضب او يقلل من احترام المسجد او الصلاه
لكن من حظهم الاسود انه كانت هناك جنازة حاضرة بالمسجد قام اهل المتوفى بالهتاف ضد الخطيب لينهى الخطبه مجبرين اياه على النزول من المنبر
بل واعتدوا عليه وكأن الله يعاقبه لمناصرته ظالما
ويعد الصلاة ابتدأت مظاهرة رائعه
كانت بداينها ((تحيا مصر ))وعلا الصوت حتى رج ارجاء الاسكندريه
وطبعا كانت المظاهرة محاطة بجيش من العسكر اقسم انهم لو تجمعوا تحت نيه صادقه وهدف شريف لحرروا القدس وجميع الاراضى المحتله كانوا ما يقرب من العشرة الاف جندى يالاضافه الى القوات التى كانت منتشرة فى جميع انحاء الاسكندريه والتى كانت اضعاف اضعاف هذا العدد كأننا كنا على ابواب معركة مصيريه حامية الوطيس..
بعد قليل من ابتداء المظاره..
توالت الشعارات النابعه من قلب الشعب الذى يرغب فعلا فى انهاء نظام مبارك الفاشى الدكتاتورى والانتقام
لدم اخانا خالد سعيد واخذ حقه ممن قتلوه من كلاب جهاز رعب الدوله
بعيدا عن ما حصل فى المظاهره من مواقف سلبيه غير مدروسه نتيجة رفع بعض الحركات لشعاراتها واستغلال بعض الرموز الوقفه من اجل الدعايه لانفسهم الا ان الوقفه بمجملها كانت ناجحه وحضرها ما يقرب من خمسة الاف مصرى حر يرفض الذل
بعد ذالك توجهنا الى الشاطىء نحن والشباب وجلسنا على كافيه وناقشنا سلبيات وايجابيات الوقفه وما يمكن من خلاله تجنب الوقوع فى الاخطاء مرة اخرى
كان فى الجلسة فتاتان الاولى سلسبيل والثانيه تسنيم

عندما تحدثت سلسبيل ابدت اراءا رائعه تدل حقا عن عمق التفكير وعلو الاحساس بما يقبع تحته هذا الوطن من الظلم والقهر والزل على ايدى حكومة غاشمة ظالمة قاهرة لشعبها

وتحدثت تسنيم ايضا بكلمات تدل على بدايات لمحاولة جاهدة لفهم فكر الحركات السياسه الشبابيه فى مصر

حتما ستسئلوننى لماذا ركزت على هاتين الفتاتين بالذات
اقول لكم بكل بساطة ان السبب هو
ان سلسبيل فتاه فى الصف الاول الثانوى وتسنيم فى الصف الثالث الاعدادى
ولقد صدمت حقا علمت هذه المعلومة
وهاتين الفتاتين هما السبب الذى اشعرنا حقا ان هناك امل حقيقى فى الجيل الصغير الذى عرف معنى الحريه مبكرا والذى طمئننا اكثر ان ما نحن فيه من
حكم العسكر لن يدوم

اصدقكم القول ان لقائى باهاتين الفتاتين اعتبره شخصيا من اكبر مكاسبى فى هذا اليوم

بعد قليل انتهينا من النقاش وقمنا لنتتوجه الى الوقفة المقررة على كوبرى ستانلى

والتى حضرها نور والبرادعى

وكالعادة اخرج لنا الامن مظاهرة لاطفال القراءة للجميع لكى تضعف وقفة خالد سعيد
لكن يمكرون ويمكر الله لم يلتفت اى شخص الى هذه التفاههالتى ان دلت لا تدل الا على بلاهة قيادات الامن

والحمد لله
هذه ايضا كانت وقفه رائعه حضرها الاف من شباب وبنات الاسكندريه الرائعين وقاموا بعمل مسيرة بطول شط الاسكندريه وصولا الى كليوباترا حيث بدأ الامن فى كردنتهم ومحاولة ارهابهم لكنهم صمموا على القيام بالوقفه وانطلق وفد منهم اللى بيت خالد سعيد وحاول الامن ايضا اثنائهم هذه المرة
لكن شباب الاسكندريه الأبى أبى الا ان يصعد الى والدة خالد المكلومة ويقدم لها العزاء فى فقيدها


وبعد ذالك تجمعت انا والاصدقاء عائدين الى المنصورة
و بعد وصولنا تفرقنا على امل اللقاء قريبا جدا فى موقف اخر فى حب هذا الوطن

عشقنا الاول والاخير

والذى لن يعلوا ولن يتخلص من ما فرض عليه من قهر وظلم الا بأيدى

شباب هذه الامة الابيه

وحياة امى.. انا المسؤوله عن كل البلاوى اللى فى البلد ياريس

النيابة توجه تهمة البلاغ الكاذب لاسرة خالد سعيد
لا بجد بسم الله ما شاء الله ايه الحلاوة دى اكيد رشيد الميزان
تهمة ايه..
مين...
نعم.....
اه... بلاغ كاذب وازعاج سلطاة(طحينه..بابا غنوج على كيفك انتا)
لا بجد حلوة وملعوبه..
تصدقوا برضه صح

كشف الطب الشرعى قال انه كان مدمن وبلع لفافة بانجوا قد السيجار(ودى عملها ازاى دى ان شالله)
والشرطة الاميرة الطيبه كانت بتحاول تسيطر عليه والاصابات اللى فيه ياعينى كانت نتيجة مقاومتة للاعتقال وكمان عشان التشريح
بطل افترى بقى ياشعب مفترى بتفترى على الشرطه الغلبانه
دولا طول عمرهم فى خدمة الوطن

ياعينى عليك ياشعب جاحد
وعشان كدا الست دى ام خالد وعيلة خالد كلها لازم تتحاكم فورا وبدون تاجيل وقدام محكمة عسكريه
(وما تقوليش ازاى مدنى يتحاكم عسكريا دا عادى جدا فى مصر)
لانها سببت الازعاج للسلطات وتكدير الامن العام واسائت لسمعة مصر

شلها ياسمعه يامسمعه

فى القفص وقفوها الكلاب والقاضى قالها
ما اقوالك فى التهم المنسوبه اليكى يامتهمة

كان الرد
حسبى الله ونعم الوكيل
احد الظباط الواقفين يهمس بقرف
حسبنى ياختى حسبنى هتروحى من ربنا فين

القاضى رفع الجلسه للتداول
ورجع ووقفوا الست الغلبانه عشان تسمع الحكم
حكمت المحكمه حضوريا..

جاء صوت الام الواهن من ادغال قفص السجان,,

قبل ما تحكم ياسيادة القاضى
عندى اعترافات مهمة لازم اقولها..

القضى..
اتفضلى ياستى


اولا ان مش بلوم عليك انتا بتحكم بالادله اللى فى الورق اللى قدامك مش مهم اذا كان مزور ام لا فهذا خارج عن سلطاتك
اما اعترافاتى فهى كالتالى
انا المسؤوله عن اعلى نسبة سرطان فى العالم والموجوده فى مصر يابيه
وانا اللى جبت المبيدات المسرطنه لمصر يابيه
ان اللى مسئوله عن فيرس سى و الفشل الكلوى اللى نسبه مهوله فى مصر يابيه
انا السبب فى تلويث مياه النيل يابيه
انا اللى عملت مذبحة بنى مزار يابيه
انا المسؤوله عن قطر الصعيد والعبارة وصخرة الدويئه يابيه
انا المسؤله عن عن اكتر من خمسين فى الميه من الشعب تحت خط الفقر يابيه
انا اللى خليت المصريين يشحتوا ويسكنوا فى العشوائيات والمقابر وفى وسط الزباله يابيه
انا المسؤله عن العمال اللى راتبهم ما يكفيهمش عيش حاف
مع انهم بيشتغلوا وبينحتوا فى الصخر اكتر من 12ساعة يابيه
وانا برضه اللى مسؤله عن انى ادى الستات الكبار فى السن
اللى لا ليهم مؤوى ولا بيت معاش خمسين جنيه
وبذلهم على ما ياخدوه يابيه
انا اللى مسؤله عن بيع المال العام ببلاش يابيه
انا المسؤوله عن ازمة رغيف العيش
والغاز يابيه
ان اللى قتلت عم عبد السميع صابر
ومحمد رضا
ومراقب امتحانات الثانويه باسيوط يابيه

وخالد ابنى انا اللى قتلته بايدى يابيه

انا اللى مسؤوله عن كل واحد اتعذب واتهان فى اقسام مصر يابيه
انا المسؤوله عن خيرة شباب مصر اللى بيقبعوا فى زنزانات المعتقلات
اى والله يابيه
انا المسؤله عن ان مسؤول كبير يسرق البلد والقضاء والادله تقول انه سرق عينى عينك يابيه
وكافئته بقلادة النيل ووظيفه بمرتب شهرى مليون جنيه يابيه
انا المسؤوله عن ملف من اكبر ملفات السرقه والفساد فى العالم كله يابيه
وانا اللى خدت رشوة مرسيدس وانا اللى ماشيه بالكوسة والمحسوبيه يابيه
ان اللى مسؤوله عن قتل المصريين فى لبنان والمانيا والسودان وعلى الحدود وسيبت دمهم يروح هدر يابيه
ان المسؤوله عن جلد المصريين فى السعوديه وضربهم فى السودان واهانتهم فى كل مكان فى العالم يابيه
انا اللى بنزل اضرب المتظاهرين اللى بيطالبوا بحق مصر بطريقه سلميه جدا واعتقلهم واحاكمهم يابيه
وانا اللى عملت قانون الطوارىء وبعامل الشعب كله على انه ارهابى يابيه
وانا اللى فصلت الدستور على مقاسى انا وابنى يابيه
وانا يابيه الل زورت الانتخبات بابيه
وانا برضه اللى محتكرة الحديد يابيه
وانا والله ايوا انا اللى اسئت لسمعة مصر عشان بطلب بحق دم ابنى يابيه
وانا اللى ببيع الغاز لاسرائيل بسعر التراب يابيه

وانا اللى رفعت الاسعار يابيه
وانا اللى جبت انفلونزا الكلاب والخنازير والطيور والقطط كمان لو عايز يابيه
وانا اللى محاصرة اخواتى فى غزة يابيه وبدخل الاسرائليين مصر بالبطاقه يابيه
وانا اللى خاضعه لامريكا ولاسرائيل وباخد اعدائى بالاحضان يابيه
وان اللى حولت مصر لعزبه وناويه اورثها لولادى يابيه
وانا وانا وانا..
انا كل حاجة وحشة بتحصل فى البلد انا السبب يابيه
واى جاجة وحشة انا بس اللى عملتها يابيه
والحكومة دولا احسن ناس يابيه
الحزب الوطنى ما فيش اعدل منه يابيه
ومصر عايشه فى رخاء وسلام وكل حاجة متوفرة يابيه

واحكم يابيه وانا بحكمك راضيه
احكم بموت مصر الصابرة من تلاتين سنه يابيه
احكم بموت زهرة الحريه
وشباب مصر يابيه
احكم بحكم الحديد والنار يابيه
وحسبنا الله ونعم الوكيل

القاضى
بقى انتى المسؤله عن كل دا

اذا وباسم الزعيم المفدى خالد الذكر
حكمت المحكمه عليكى
بالاعدام شنقا انتى وكل اقربائك
وبالمرة كل الشعب
وعاشت مصر حرة مستقله
تصفيق حاد يجتاح صالة المحكمه

وخليك ساكت منك ليه لما يجى عليك الدور وتبقى خالد سعيد

واحد صحابى قالى..صباح الألش قال رايحين غززززه قال

القصة وما فيها انى كنت قاعد على كافيه بشرب واحد شاى بالياسمين
وما تخلوش دماغكوا تروح لبعيد دا شاى بجد المهم
دخل عليا واحد صحبى قالى شفت الاتنتدنج اللى على الفيس توك
قلتله بتاع ايه
قالى ماعرفش بيقولك رايحين غزة لكسر الحصار ..عالم لاسعه
قللتله لاسعين عشان رايحين غزة ولا عشان الاتند
قالى الاتنين هيروحوا غزة يعملوا ايه..مش يشوفوا المصايب اللى هنا الاول بعدين يفكروا فى غيرهم
طبعا انا دمى اتحرق..وفار..وماحدش يقولى هات مصيدة للفار
قلتله يعنى احنا عشان عندنا مشاكل يبقى ما عندناش دم ونحس باخواتنا اللى متحاصرين وممنوع عنهم الميه والنور ولو يطولوا يقطعوا عنهم الهوا هيقطعوه
قالى اه كل واحد يحل مشكلته...
طبعا انا لقيت الحوار متجه ناحية حوار من النوع العقيم فاختصرت الموضوع وقلتله من اصبح ولم يهتم بامر المسلمين فليس منهم
وربنا يهديك
وروحت دورت على الاتند ولقيته
عجبتنى جدا الفكرة وقلت انا لازم اشترك مع الناس دى وفرصه الواحد يقدر يشارك اهل غزة حتى لو باقل شىء فى ظل ظروفهم الصعبه جدا
وسجلت فى القافله وبدات اتصل باصحابى عشان ادعيهم واتفاجئت ان فى ناس كتير رايحة وما حدش قالى
روحت داخل فيهم كلهم شمال اه ياولاد التيت
وماحدش يقولى واعرف بالصدفه..
المهم اقلمت نفسى انى رايح رايح واستعديت وعرفت الجماعه فى البيت لغاية ما جه اليوم الموعود الجمعة اللى فاتت الساعة 9 امام نقابة المحامين كان مكان التجمع
رحت لقيت حبايبنا كلهم هناك دومة وعواد وخالد ومصطفى شراراه وحسن ماهر وسوكا ومحمود عفيفى وناس كتير قوى عشان ما انساش حد
الاتوبيسات بدأت تيجى والناس بتدأت تركب فجأة الاتوبيسات اتملت واحنا لسا على الارض
حوالى خمسه واربعين شاب
قشطه جدا يعنى
لابقولكوا ايه انا رايح رايح ان شالله لو هروح ماشى
المهم واحد من الشباب اتصل بناس عشان بيعتوا باص والباص اتأخر شويه رحنا قعدنا على قوة وشربنا شاى على ما يجى بعد كدا جالنا خبر انه مش جاى اتصل زميلنا العزيز خالد بناس عندهم شركة سياحه بعتولناا تلاته ميكروباص سياحة وركبنا والحمد لله وقبل ما نركب
جه المخبر اللذيذ وقعد يكتب ارقام العربيات عشان يبلغها للكماين اللى هنعدى عليها
انطلقت القافله المصغرة للحاق بالقافله الكبيرة
وبدأت الرحلة وبدأنا بقى نتسلى فى الطريق باغانى الشيخ امام ومنير

شيد قصورك عالمزارع ....و الخمارات جنب المصانع و
السجن مطرح الجنينة ..و أطلق كلابك في الشوارع
و أقفل زنازينك علينا

وطبعا لم يسلم اخانا العزيز دومة من مطالبتنا له بقصيدة من قصائده الجميله فى حب هذا البد الجريح فاكر منها
جزء عجبنى قوى
اعمى وظلمك بالسواد لون دروبك والطريق
وماعدش عارف من غبائك من عدوك مين صديق
ومصدق انه بقشه قصدى بكام رصاصه ممكن ينجى الغريق
عايز رصاصك ياغبى يقتل من الاحرار الوف
اسمع وشوف الثورة ما بتقومش غير لما يدفع رجالتها ميت تمن
واحنابدمانا وبعرقنا بنضالنا راح نشيلكم من فوق صدر الوطن
غوروا بقى كفايه عفن..عايز تموت زهرة الحريه ليه
ياكلب بيه..عاوز تدمر حلم مصر الصابرة من تلاتين سنه
وتبيع دم الغلابه للديابه يكام جنيه
بكل حر ومش جبان راح ينتهى ليل الهوان
عشتى يامصر ..عشتى يامصر

بجد ما حسناش بالطريق اللى اكتر من خمس ساعات بسسب الصحبة الحلوة والشباب اللى بجد بيحب مصر
وفضلنا طول الرحله ندنندن لا يقطع علينا اندماجنا الا عندما نعبر كمين من الكمائن والذى كنا مع كل واحد فيها بنتوقع انهم هيوقفونا ويرجعونا بس الحمد لله ما حصلش
كانوا بس بيعلموا صح قدام رقم العربيه اللى المخبر الذيذ قالهولهم واحنا فى القاهرة
ووصلنا معبر رفح وانضمينا للى سبقونا حوالى الساعة الخامسه عصرا
وبدأت رحلة محاولة الدخول الى غزة
وطبعا كال العادة لقينا المعبر مقفووووووووووووول
وطبعا الناس بدأت تثور والهتاف بدأ يشعلل الاجواء

يادى الذل ويادى العار مصر مشاركة فى الحصر

افتحوا معبر رفح ان الكيل قد طفح
وصامد صامد رغم الحصار وجدار العار
وياحماس ياقويه اوعى تسيبى البندقيه

والناس مصممه انها هتدخل غزة يعنى هتدخل غزة
وبدأت المفاوضات مع امن المعبر
فطلبوا راقام بطايقنا والباسبورات المهم ادبناهالهم وقالولنا طيب هنجيب موافقه من القاهرة
شويه مسؤل الامن قالنا ان الطرف الفلسطينى هو اللى مش عايز يقابلن..
وطبعا احنا مش هبل وعارفين كويس انه عمر مالطرف الفلسطينى يرفض
المهم كلمنا الزهار المتحدث الرسمى باسم حماس
قالنا ياجماعه احنا على استعداد نستقبلكم
وصلنا راسالته للامن
قالنا خلاص هنكلم القاهرة ونرد عليكم
وطبعا رد القاهرة ما جاش الا بعد الساعه 7 بعد مواعيد غلق المعبر وقلولنا كمان لو حد دخل هيدخل الا عدد قليل ومن اللى معاهم جوزات سفر كمان
عشان نزهق ونروح
وطبعا احنا ماكدبناش خبر وكل واحد شال شنطته وفتحها وطلعنا هدومنا ويلا هنغير عشان بايتين هههههه
وقررنا الاعتصام المبيت ودومة نزل جابلنا اكل وشرب من رفح المصريه طبعا
واتعشينا
وقعدنا ندندن كمان شويه
وفى ناس كانت عايزه تنام
فقررنا ننام على رصيف المعبر فى الهواء الطلق وعملنا الارض سرير واتغطينا يالسما الواسعه
واللى مش هيناموا قعدوا يتمشوا شويه لغاية مالنوم يجى
حاولت انا انام مع المجموعه لكن احد الزملاء تفضل بعزف مقطوعه موسيقيه من عينة
خخخخخخخخ تشووووو
يانهار ازرك..يانهار ازرك.. وانا من النوع الى ما يعرفش ينام الا فى هدوء
حاولت اتأقلم مع الوضع لكن واضح انه ما كانش فيه فايده

سلمت امرى لله وقمت اتمشى وخدت نفسى انا ومصطفى مجدى وحسن ماهر وقعدنا نتمشى ونسمع اغانى من عينة ياحبيبتى يامصر واغانى منير وندندن
وطبعا مع قلة النوم
وصلنا لاعلى مراحل التهييس وبقينا بنضحك بطرقه هيستريه على اى كلمة حتى لو ماتضحكش او حتى ما ينفعش نضحك عليها
وطبعا فاهمنى ياحسن هههه
حاولنا ننام قبل الفجر شويه لكن ماعرفناش
والفجر أذن
وصلينا الفجر والله يجازيه خير الامام
طبعا احنا مش قادرين نفتح
وهو بيصلى بضميييييير صلى الركعه الاولى بالبقره والتانيه بال عمران
روح ياشيخ الهى ربنا يسترك دنيه واخره

وبعد الفجر صلينا صلاة الغائب على روح شهيد الطوارىء وشهيد مصر كلها خالد سعيد

بعد الفجر جبت انا وحسن شويت كراتين وفرشناها فى نص الطريق وحاولنا ننام والحمد لله النوم هجم

نما حوالى نص ساعة بعدين الناس بدات تفوق ووتحرك والمكان ماعدش هادى فصحيت ابص على شمالى عشان اصحى حسن
الاقى مصطفى شراره نايم جمبى بفالنه بقط.. وجمبه من الناحية التانيه حسن.. طبعا اتخضيت..يادهوتى انتا جيت هنا امتى ياض وبتعمل ايه بالفالنه الكط دى
هههه المهم قالى منا جيت بعد مانتمتم ونمت هنا
المهم فوقنا كدا واصبحنا واصيح الملك لله
وقمنا غسلنا وشنا
واتمشينا احنا والشباب شويه جوا صحراء سيناء العزيزة تحاوطنا شجيرات الزيتون والصبار ورأينا غزة قابعه هناك على مرمى النظر على الجانب الاخر الاخر يفصل بيننا وبيتها جدار غبى
وحلمنا بان نكون هناك خلال ساعات قليله
وبعد قليل عدنا الى المعبر وفطرنا وقمنا بازاله اثار العدوان وتنظيف الطريق امام المعبر بعد استخدامه طول الليل كشقه سكنيه
واتفتح المعبر وبدا بعد الفلسطينيين يالمرور
لكن طبعا اشخاص فقط وممنوع عبور اى شىء اخر سواء معونات او بضائع او اين كان
وعدنا للتفاوض مع الامن والذى اخبرنا
ان الموفقه لم تاتى بعد
تجمع الشباب فى دايرة امام المعبر وبدانا نغنى اغانى وطنيه واغانى للجهاد وحماس

حتى جاءنا الخبر اخيرا ..


اننا لن نستطيع المرور
لكننا صممنا على العبور واننا لن نتحرك من هنا

فقالها لنا الامن صراحة اننا لا نتتظر موافقة القاهرة اوغزة انما فى انتظار موافقة الملعونه اسرائيل والتى قد تاتى بعد ساعة او شهر او سنه
لكننا لن نمر بدون اذنها

يادى الخزى ويادى العار
معبر فلسطبنى مصرى وندخله بامر اسرائلى الخيانه فى اعلى صوره

المهم اجتمعنا كلنا وصوتنا وخدنار قرار اننا لن ندخل الى غزة الحبيبه بامر اسرائيلى حتى وان اتى هذا الامر حالاا

وبدت على وجوهنا نظرات الخيبه
والحسر ةعلى هذا النظام الذى سلم امر اخوتنا فى الدين واللغه والاصل الى اعداءنا
بل وسلم امرنا نحن ايضا الى هذا العدو الصهيونى الخسيس

وبدانا فى الانسحاب وكل منا يجر رجليه من على الارض جر ولا تهون عليه الخطوات وهو بتعد شبرا شبرا عن ارض فلسطين الغالية التى لا تبعد عننا الاامتار قليله لكن يقف بيننا وبينها امن مبارك وعدونا الصهيونى

وركبنا الى العريش ومن العريش الى القاهرة
ووصلنا وسلم بعضنا على بعض
وكل منا فى عينيه نظرة امل رغم الاحباط
اننا سنعود وسننتصر وسندخل فلسطين ان شاء الله ان لم يكن فى المرة القادمة ففى المرة التى تليها او التى تليها لكننا ابد لن نستسلم
ولن نترك اخوتنا فى فلسطبن حتى وان دفعنا دمائنا ثمنا لحريتهم

ماهو الراجل دا يا غبـــى قــوى.. لزكى وزكاؤه معدى .. بس برضه غبـــــى

طبعا عارف كلكو بتنفكروا فى مين دلوقتى
اللى كابس على نفسنا من زمااااان
او زا ومان مش هتفرق كتير
بس صدقونى مش هو اللى هتكلم عنه
و هذا قطعا لا ينفى الصفه الاولى عن اللى فى بالى

المهم الدنيا والعه والناس ميته فى عرض البحر واجتماع هيئة القلل و19 شهيد واجتماع الفاجعه العربيه
وقمة دول المتنسط
واسرائيل وارهابها وكل اللخبطه والمظاهرات والمصايب

ودا يطلعلى زى البتاع
اه والله هو والبتاع واحد
طلع بقرار جامد اخر حاجة على رأى العيال السيس
اوعوا تفكروا اعلان الحرب على اسرئيل ولا مهاجمة القوات البحريه الاسرائيليه
ومعاقبتها على ارهابها

لالالالا كدا يبقا انتوا اكيد فهمتوا غلط
دا كان فى منه وخلص
والرجاله ماتت فى الحرب


القرار كان
المعلم..معمر بن القذافى
جمع الصحفين قالهم.. جرار رجم 5 الاف لسنه خمسين من حكمى المبجل

(( منع اى مباره ما بين ليبيا واى فريق من مصر والجزائر))

طب حد يقوله حاجه بلاش انا اقوله

ام هند= المهم قى قاموس العيال السيس برضه

لو كان يقصد بالقرار الهبلاوى دا ...
قطع العلاقات الاخويه الرياضيه ( بلاش العلاقات التانيه )مع الدولتين فهو اكيد زى ما انا قلت
دونكى على رائى الامريكان الله يحرق قياداتهم

انما لو يقصد ان ما تحصلش بسبب الماتشات الرياضيه مشاحنات زى اللى حصلت مابين مصر والجزائر
فهو اكيد زكى(( وما حدش يقولى زكى جمعه)).. زكى لانه بيحاول يوحد الصف العربى ومايخليش ماتش هايف يوقع دولتين فى بعض

لو هوا دا المقصود فاكيد الراجل دا حبيبنا وعلى عينا وراسنا

انما الغباء فين بقى
اه.. الغباء فيييين

دا وقته ياحاج معمر تاخد فيه قرار هبلاوى زى دا
احنا صحيح اتعودنا منك على كده
بس ياراجل قدر وخلى الدم يبان

طب طلع قرار يشد من أزر غزة
واهالى الناس اللى ماتت فى عرض البحر
وهيا بتدافع عن قضيه هى مهمتك انتا اساسا انتا
واخوانك من اصحاب الفخامه والسمو لعنهم الله
على الاقل اشجب واستنكر كالعادة

بس يظهر فعلا ان اخر ما يفكر فيه حكام العرب هى ارضهم ودمهم وعرضهم

با اخى روح اتلهى جتك ستين نيله على رأى مارى منيب

الحاجة عيشة..والعيشة الهباب.. تعاليلى يامه

البدايه كانت مبشرة بالقوى
عائشة عبد الهادى وزيرة القوى العامله(للعلم حاصله على ابتدائيه وما تسئلنيش بقت وزيره ازاى دى قدرات خاااااااصه وخارقه للعاده) اجتمعت هيا ومجاور بعمال شركة امونيستوا وقالتلهم.
باحبايبى ياحلوين ان زعلانه مووت مووت عشان اوضاعكوا وصعبتوا عليا خالص قوى وانتوا عارفين انا قلبى رهيف ما بستحملش اشوف حد بيعانى..عشان كدا باوعدكوا من بكرة الصمح هيكون فى حل لكل مشكلاتكوا وهتعيشوا فى سعادة ورخاء وكل اللى نفسكوا فيه هيتعمل وانا طول عمرى واقفه فى جانب العمال البسطاء لانكم روح البلد وعصبها ومصر من غيركوا تبقى كخة مش تبقى مصر


طبعا العمال قالوا الحمد لله بس طبعا ما نسيوش ان هما سمعوا البقين الحلوين دول قبل كدا بدل المره الف
بس طبعا كعادة شعبنا الاصيل لما يسمع كلمتين حلوين يصدق حتى لو كان بيسمع نفس الكلمتين بقاله تلاتين سنه كدا
المهم العمال قالوا برضه نخلينا على تكه ممكن الوزيرة تستعبط علينا او تنسى وتفكها من الحوار
احنا هنفضل على رصيف مجلس التعب..الشعب سابقا..لغاية ما الوزيرة تيجى بكره وتلبيلنا طلباتنا واهو بالمره ناخد طلباتنا فى ايدنا بدل ما نتعب الوزيرة ونكلفها سفريات واشتغالات وانتوا عارفين مرتب الوزيرة ضعيف ما يستحملش
فاحنا خلينا قاعدين ناخد حقوقنا ونروح جرى على بيوتنا وندعى للوزيرة واللى شغلوا الوزيره كمان

العمال صحيوا الصبح فاقو وغسلوا وشهم وقالوا يافتاح ياعليم يارازاق ياكريم وكل واحد على وشه ابتسامه عرضها من الودن للودن وكلهم امل ان طلباتهم هتتنفذ النهارده
قاموا وسلموا على عساكر الامن المركزى ماهم حافظين بعض بقالهم صاحيين نايمين فى خلقة بعض من خمستاشر يوم
يعنى بقوا اهل وحبايب وعشرة عمر..
وشويه ولقوا شوية عساكر زياده جايين وبيحاوطوهم..
طبعا قالوا عادى الوزيره جايه شوية زيادة فى الاطمئنان وامن الوزيره
واطمنوا زياده ان العاساكر دى اكيد جايه لحماية الوزيرة مش اكتر..
سلموا على العساكر الجدد وعزموا عليهم ..شاى .. قهوة يابلدينا..باسم الله افطروا معانا..
وانتوا عارفين طبعا ممنوع على العساكر التعامل معاهم..
المهم العمال فطروا وشربوا الشاى وجه معاد الوصله اليوميه من الهتاف
بس قالوا بلاش النهاردة الوزيرة قالت جايه تلبيلنا مطالبنا..عيب علينا تبقى جايه لمصلحتنا واحنا نهتف ضدها..عيب قوى..


شويه والموكب المبجل حضر وحضرة الوزيرة دخلت المجلس.. وتفائل العمال وصل لاعلى درجه
خلاص ياجماعه الحمد لله كل مطالبنا هتتنفذ..

الوزيرة دخلت المجلس وشويه العمال لقوا الرتب التقيله ببتزيد فى المنطقه والجو بدأ يلبش
بعضهم تسلل الى نفسه احساس ان الحكايه فيها انه,,والبعض الاخر قعدوا يطمنوا فى بعض ان شالله خير زيادة امن..

شويه ورتبه من الرتب قالتلهم..انتوا مش ناويين تفضوا الهبل بتاعكوا دا بقى وتغوروا..
رد احد العمال هنغور يابيه بس الست الوزيره بس هتجيبلنا حقوقنا ونروح على طول..
بصلهم الرتبه بقرف وقال.. جاتكوا القرف مليتوا البلد

شويه والرتب بدأت تدى اوامر للعساكر بالاستعداد
الناس بدأت تشك اكتر واللى كان مطمن بدا يشك هو كمان..
شويه الكردون بدأ العساكر يضيقوه شويه بشويه..
الناس اتأكدت ان النيه مش خير خااااااالص..مسكوا فىدين بعض واتكتلوا عشان ماحدش يفرقهم..
شويه وطلعت الكلمة اللة كانوا كلهم خايفين منها من احد الرتب..
اضرب ياعسكرى..
فجأه لعساكر اللى كان العمال بيعزموا عليهم بالشاى من شويه
رفعوا العصيان وهاتك ياضرب
والظباط حاولوا بكل قوة بفرقوا العمال بس كل واحد كان ماسك ايد اخوه ومتبتين تقولشى حديد و العساكر يحاولوا بيبعدوهم عن بعض
بس تماسك العمال كان اقوى ميت مرة واشد عزم
وبعد وصله من الضرب والاعتدائات خدوا تسعة وعشرين عامل من العمال دول اللى قدروا يمسكوهم بعد شراسةالمقاومة التكاتفية بين العمال وبعضهم وكل واحد حامى ضهر اخوه ولو فى خابطه هتيجى على عامل تلاقى عامل تانى رمى نفسه على اخوه وخد الخبطه مكانه

الرتب فقدت الامل فى فض الاعتصام فتراجعوا ورجعوا الكاردون

العمال فضلوا فى حالة الشد
متوقعين اى غدر
وبعد قتره قصير وبعد هدوء الاجواء

ومن وسط الحشد الذى يفوق الخمسمائة عامل

تخرج فتاه صغيرة جميله سنها مابين العاشرة والثانيه عشرة وتحمل مكبر صوت صغير
رفعته فى وجه الضباط وقالت::
احلف بسماه وبترابها
الحزب الوطنى اللى خربها..
ردد العمال جميعا خلفها فى صوت واحد
كصوت الرعد والذى
جعل الضباط يتراجعون للخلف قليلا
وجعل الوزيرة تتخبط ارجلها ببعضها داخل المجلس
لدرجة انهم اخرجوها من الباب الخلفى وهى تهرول حتى لا يراها احد من العمال الغاضبين فينتقم منها
هتتفت الفتاه مره اخرى
فين نواب الشعب فين
مش عايزين يطلعوا ليه
خايفين ولا ايه

رد العمال بصوت اقوى من المره الاولى ومع كل هتاف من الفتاه يرتفع الصوت اكثر حتى اصبح هديرا يزللزل ارجاء المنطقه
وفى عين كل عامل تلمح نظرة لا ترى فيها الا احساس مظلوم ضاع حقه
لكنه يعلم انه الاقوى
فصمم انه لن يعود الى داره الا وحقه فى يده
ولن يستطيع اى احد ان يضحك عليه او يستخف به مرة اخرى
فهذه المرة
اما حقوهم او الموت
ولا تراجع ولا تنازل

خطاب هام جدا من الزعيييم المفدى الخالد دائم الحكمة..الى شعبه العزيز الودود المسالم.. Share

فى دوله غير دولتنا الامنه المستقره الديموقراطيه


مشهد1..

داخل قاعة المؤتمرات الرئيسيه للدوله..

الزعيم الخالد يقف على المنصه
ولا بلاش المنصه لتتفهم غلط

يقف على الاستيدج

تصفيق حاد لمدة اربع ساعات وخمسه وعشرين دقيه وسته وتلاتين ثانيه

يشير الزعيم بيده لكى يتوقف التصفيق فهو لا يحب من يصفق له وينافقه



اخوانى الاعزاء
كما تعودنا دائما فى اوقات الفرح والشده
ان نجلس معا جلسة اخوة نتناقش فى مشاكلنا
وبمناسبة ازمة المياه التى تسبب لنا فيها اعداء الوطن
فلذا انى اقول لكم بكلمات واضحه

شد الحزام يامواطن منك له..
من هنا ورايح ممنوع استخدام الميه
الا للشرب دا قرار جمهمورى وما تشربش الا
لما تكون عطشان وبقالك تلت اربع ايام ماشربتش
ساعتها مسموحلك تشرب ربع كباية ميه صغيره
ممنوع الحمى خااااااااالص مالص
يعنى اللى هيتقفش بيستحمى احتمال
كبير يتعدم ..
ولو ما عدمتوش هيتسجن ومش هيشوف الميه فى السجن لغاية ام يموت من العطش
وأه وأه لو شفتك بترش ميه دا انا هطلع عينك...اعدام بالرصاص فى الطريق العام
ومافيش وضوء
اللى عايز يصلى يتيمم انا حذرتكم اهه اللى هيتوضى هسجنه مدى الحياه
وبالنسبه للفلاحين
اللى هيقرب من الميه ولا يفكر مجرد تفكير اوحتى الفكرة تمر على دماغه انه يروى ارضه
هدفنه فى مكانه
ممنوع الطبخ منعا باتا..اى نقطة ميه احنا اولى بيها..كلوا اى حاجة ناشفه..
البيت اللى هشم فيه ريحة طبيخ ههده على دماغ صحابه
انا حذرت اهو.وطبعا مش محتاجة فكاكه
اكيد الشاى والقهوه واى مشروب يدخل فى تكوينه الميه ممنوع
نفس عقوبة اللى هيستحمى هتتطبق عليه
انتوا عارفين احنا حكومه رشيده.. ودولة مؤسسات..وبنعرف نحل ازامانتا كويس
ومافيش حل للازمة الميه غير التفاوض
التفاوض وبس.. زى ما عملنا مع اخواتنا الصورمائلين وخدنا ارضنا..
صحيح هيا منزوعة السلاح وممكن صورمائيل تاخدها فى ربع ساعه..
بس الحمد لله ارضنا فى حضننا..
نكمل كلامنا الاخوى..
صحيح الميه ممكن تتقطع عننا عشرة عشرين سنه
لغاية ما يسمحولنا بشوية ميه صغيرة على القد كدا
بس دا اكيد احسن ميت مرة من اننا ندخل فى حرب
احنا ابنائنا غاليين علينا ودمنا غالى
فيها ايه يعنى اما نموت من العطش..

احنا شعب مكافح وقدها وقدود
واكيد دا احسن
ماتموت مقتول فى حرب برصاصه ولا صاروخ

اما بالنسبه لسكان فارهينا والناس اللى عنده بسينات
وجولف وكدا
اقول لهم واحذرهم بشده
واقول لهم بكلمات واضحه
شديدة الصرامه والحزم
واحذرهم مرات ومرات
وسنضرب بيد من حديد من يخالف منهم...
ياريت ماتغيروش مية البيسين كل يوم
خلوها كل يومين
احنا داخلين على ازمة ولازم انتوا كمان تشاركوا فى حلها معانا
وتكونوا عونا للشعب.

شد الحزام يامواطن منك ليه...
ماعدش فى ميه جايه
ولازم نكون على قد المسؤليه الملقاة على عاتقنا

وابقى اشوف كلب من الخائنين فتح بقة ولا اعترض..
انتو عارفين انا بعمل فى المعارضين من الخائنين للوطن ايه..

وشكرا اخوتى
ودامت بيننا المحبه
والود والاخاء
والسلام عليكم ورحمة الله

تصفيق حاد

عضو من اعضاء الحزب القطنى الحاكم

يصرخ ويهتف بكل حماس

عاش الزعيم الحكيم

كل من فى القاعه
عاش عاش عاش
وظلوا يكررونها
لمدة خمس ساعات الا ربع تقريبا

صوت فردى من الجانب الايمن للقاعه يصرخ::

ربنا يخليك لينا ياريس

صوت اخر من الجانب الاخر::

كلنا بنحبك ياريس

ينظر لهم الزعيم نظرة ساخره...
وعلى شفتيه ابتسامة رضا
ويأخذ نفسا عميقا ويقول::

استعنا على الشقى بالله
انتوا لسا شوفتوا حاجه


ظلام تدريجى واضاءه مسلطه على الزعيم لحين خروجه

والكل يحاول لمسه لاخذ البركه من لمسته الحكيمه
ــــــــــــــــــــــــــ

ــــــــــــــــــــــــــــــــ


مشهد 2....
جنازة جماعيه للشعب
وأول نعش كان للرجل الذى هتف فى القاعه
وخلفه الصوتين الجانبيين
ثم اعضاء الحزب القطنى
ومن ثم الشعب
والزعيم وحكومته ورجال الاعمال يقفون يبكون ويزرفون الدموع على هذا الشعب المسالم الخانع الذليل الذى لن يجدوا مثله مرة اخرى مهما حصل
وكلمات حزينه متبادله

الريس::
هيوحشونى جدا والله

رئيس الوزراء ::
وهو يمصمص شفتيه

هو كان فى زيهم

احد الوزراء::
والله كانوا اجدع ناس دايما جمبك وبيساندوك
مهما عملت


وزير اخر::
اكلناهم التراب ودوقناهم الذل
بس فعلا الاصيل اصيل


رجل اعمال كبير ::
يلا رحمة الله عليهم
بجد كانوا ناس زى الفل
اشطه

موسيقى حزينه مع خفوت تدريجى للاضواء



ـــــــــــــــــــــــــــــ


مشهد 3...
يعودون الى القصر الملكى(الجمهورى سابقا) ويشربون بعض العصائر المرطبه ويتخذوا عدة قرارات


قرارت رئيس الدوله القائد المفدى...

1- بيع الدوله للمثتثمرين ما عدا بلد واحد...شرن الفسيخ
عشان عزيزه عليهم قوى


2- ينتقلوا جميا لشرن الفسيخ...شمش وميه وهوا وحاجات تانيه..

3- اخذ اقرار وتعهد على من يشترى الدوله بعدم تغيير اسمها او علمها نهائيا
فهى دوله خالدة ذات حضاره رقم سنينها عديد الاصفار ولا يمكن ان يمحى اسمها مهما مر الزمن
فهذ هو العار والخيانه الحقيقيه
ونحن لن نخون وطننا العزيز يوما

(قالها الزعيم الخالد بحزم واضح وشموخ ووطنيه تظهر عمقها للاعمى)


اخذت وزير من الوزراء الحماسه بعد سماعه القرار الثالث فقال::
نموت نموت ويحيا الوطن والعلم..

رد عليه الزعيم ساخرا::
لو فيها موت..يتحرق العلم على الدوله


انا رايح شرن...حد جاى معايا...

الجميع فى نفس واحد::

نحن ورائك يازعيم..

.....

ظلام تدريجى

وظهور اسماء الابطال بالتدرج

الرئيس والوزراؤ ورجال الاعمال

مع اغفال مقصود لذكر اى اسم لاى شخص من الشعب
والحى ابقى من الميت

ـــــــــــــــــــــــــــــ

كتبها::
احسان سلطان
2010

اصحى فوق ما تعملش عبيط بكرة ولادك يدعوا عليك

يامصرى قوم هش الوطاويط
اصحى فوق ما تعملش عبيط
بكرة ولادك يدعوا عليك
لما يلاقوا ان زوال الظلم
فى يوم كان فى اديك
وانتاطلعت جبان واعمى
وقلت ما فيش حاجة فى اديك
لا طبعا كان فى اديك
بس خوفك غمى عنيك
ولو هربت من عيالك
قول هتقول لربك ايه
شفت الظلم قصادى وسكت
شفت الناس بتموت ما نطقت
شفت السرقه فى كل مكان
شفت الحاكم بقى فرعون
والمحكوم منداس متهان
شفت عيال قد ولادى
بياكلوا زبالة ارض بلادى
اللى رماها عز وغالى
لما الجوع عض حشاهم
قالوا زباله احسن من العيش
شفت السرطان بقى زى الغول
والفشل الكلوى بقى مهول
والمستشفيات حالها يزل
وعملت نفسى مش شايف
ولا سامع صريخ ناس جعانين
والجوع لايرحم ام ولا جنين
والحاكم بقى كرشة ثمين
وظلمه طايح شمال ويمين
وفساده ما تشوفش لفين
وبرضه عملت مشايف
اصلى كنت جبان وخايف
على ولادى ومن خوفى عليهم
طلعوا فى بلادهم ضايعين
وزى ما ظلمونى قبليهم
جابوا الطين وحطوا عليهم
ويرضه سكت من خوفى عليهم

وافتكرت عم مسلم
كان بيقولى يواديامنعم
دا الجبان اخره جهنم
وولااده بعده يدعوا عليه
واحفادوا يلعنوا والديه

والله صدقت ياعم مسلم
اللى يكون للظلم مسلم
لازم تنقطع رقابيه



احسان سلطان

2010

الشطر الاول فقط مقتبس