النهاردة فى حاجة مهمة جدا فى مصر ايه هيا ॥
الانتخابات المحلية اللى المفروض ان كل مرشح لرئاسة الجمهورية يوافق عليه خمسمية من أعضائها ..
الاخوان قاطعوها مقاطعة تامة بعد الاعتقالات اللى حصلت فى صفوفهم ..
احزاب المعارضة لها عدد قليل جدا من المرشحين فى الانتخابات .. اللى هينجح منهم وبإرادة "الحزب الوثنى" طبعا ما يعديش خمسين ( فى احسن تقدير دا اذا ضحكت على نفسك كمان ) .. يعنى ان شالله "جميى مبارك" ضامن الفوز فى الانتخابات اللى جاية على كدا .. كل حبايب بابا نجحو وهيظبطوه ..
التزوير فى الانتخابات وحسب جميع وكالات الانباء على ودنه .. عينى عينك من غير كسوف .. كما هيا العادة..
الحضور فى صناديق الانتخابات ما عداش 2% حسب برضه جميع وكالات الانباء
ايه الحلاوة دى أمال المترشحين دول هينجحوا ازاى مع ان النصاب القانونى مش مكتمل يعنى قانونيا الانتخابات لا غية لحين اكتمال النصاب॥
بس ولا يكونش عندك فكرة مصر هتحل الموضوع دا .. واعضاء الوثنى هينجحوا وهيهيصوا كمان .. ازاى ما تسألش .. ليه ما تعرفش .. هو كدا ولو مش عاجبك ارمى نفسك فى اقرب معتقل واحنا نخليه يعجبك .. ههه
ياجماعة خربانة خربانة .. مش عارف امتى بقى هنفوق .. ونقول كفايه .. امتى كرامتنا هتنقح علينا وتقول بس لحد هنا واستوب .. امتى بقى هنقول لنفسنا لازم نبقى محترمين من قبل كل الناس .. امتى بقى يا مصرين .. مش كفاية زل ومهانة وقلة قيمة وقلة اد.....
ولا ايه ..
No comments:
Post a Comment